Pradhaanamantri Manmohan Singh Ne Raashtrapati Pranab Mukharji Ko Saunpa Apna Isteefa

Breaking »

Pradhaanamantri Manmohan Singh Ne Raashtrapati Pranab Mukharji Ko Saunpa Apna Isteefa

Nai Delhi: UPA sarkaar ki 10 saal tak aguvaai karne vaale pradhaanamantri Manmohan Singh ne Loksabha chunaav mein bhaajapa ki jeet ke baad aaj pradhaanamantri pad se isteefa de diya. pradhaanamantri apne sarkaari aavaas 7, resakors rod se raashtrapati bhavan gaye aur raashtrapati Pranab mukharji ko apne mantriprishd ka isteefa saunp diya. Raashtrapati bhavan ki or se jaari bayaan mein bataaya gaya, raashtrapati ne Manmohan Singh ka isteefa sveekaar karte hue unase aur unke mantriprishd ke sahayogiyon se aagrah kiya ki nai sarkaar ke gathan tak apne padon par bane rahein. Manmohan Singh aur raashtrapati ne ek-doosare ko guladaste bheint kiye. Mukharji poorv mein bataur vitt mantri, raksha mantri aur videsh mantri ke roop mein Manmohan Singh cabinet mein rah chuke hain. Manmohan Singh ne raashtrapati ko apne isteefe ke saath 15veen Loksabha bhang karne sambandhi cabinet ke prastaav ko bhi saunpa. Is bheint ke baad Manmohan Singh ko vida karne Pranab mukharji raashtrapati bhavan ke praangan tak aae. Praangan mein donon ek-doosare se der tak haath milaate aur aapas mein baatcheet karte dekhe gaye.

Pradhaanamantri Manmohan Singh Ne Raashtrapati Pranab Mukharji Ko Saunpa Apna Isteefa https://www.angrejinews.com/pic/50818