Pradhaanamantri Manmohan Singh Ke Sautele Bhaai Dalajeet Kohli BJP Mein Hue Shaamil

India » Friday, April 25, 2014

Amrutasar: pradhaanamantri Manmohan Singh ke sautele bhaai dalajeet Singh Kohli aaj bhaajapa mein shaamil ho gaye. Bhaajapa ke pradhaanamantri pad ke ummeedavaar Narendra Modi aur Punjab ke mukhyamantri prakaash Singh baadal ki maujoodagi mein ek janasabha ke dauraan Kohli bhaajapa mein shaamil hue. Kohli ko party mein shaamil karte hue Modi ne kaha ki unke aane se party mein aur majabooti aaegi. Modi ne kaha, 'Aaj pradhaanamantri Manmohan Singh ke bhaai dalajeet Singh bhaajapa mein shaamil hue hain . Isse hamein aur majabooti milegi. Ham aisi party naheen jo sadasyata ki baat karte hain, balki ham sambandh banaane waali party hain. ' baadal aur amrutasar seat se bhaajapa ummeedavaar arun jetali ne peshe se vyaapaari Kohli ka party mein svaagat kiya. pradhaanamantri kaaryaalaya ke sootron ne bataaya ki Manmohan Singh ka parivaar is vaakaye se 'Hairat' mein hai. Unhonne kaha, 'Unki mansha ke baare mein naheen pata par vah apna raajaneetik career chunane ke liye svatantr hain. ' unhonne bataaya ki pradhaanamantri aur Kohli kaafi samay se sampark mein naheen the. sootron ne bataaya ki Manmohan Singh ikalaute bete hain aur unki chhah bahne hain. Dalajeet Singh pradhaanamantri ke sautele bhaai hain. Manmohan Singh jab kaafi kam umr ke the to unki maan ka nidhan ho gaya tha. baad mein dalajeet Singh ke bade bhaai surajeet Singh Kohli ne kaha ki unhein is vaakaye par kaafi 'Aashcharya' ho raha hai. Surajeet ne kaha, 'Main stabdh hoon. ' peshe se vyaapaari surajeet Congress ka samarthan karte rahe hain. vaheen amrutasar ke poorv mayor O pi soni ne kaha ki surajeet Singh guruvaar ko vyaapaariyon ki ek baithak mein amrutasar se Congress ummeedavaar amarindar Singh ke saath the. Kohli ne baad mein kaha ki Congress party ne pradhaanamantri ko desh chalaane ke liye poore adhikaar naheen diye. Unhonne yeh bhi kaha ki bhaajapa unhein jo bhi jimmedaari degi, vah use sveekaar kareinge.