Pradhaanamantri Banane Ki Chaah Naheen Hai Modi

Breaking »

Pradhaanamantri Banane Ki Chaah Naheen Hai Modi

Kolkata. . Delhi mein FICCI se judeen mahila udyamiyon ko sambodhit karne ke baad Kolkata mein Gujarat ke mukhyamantri Narendra Modi ne udyamiyon ko sambodhit karte hue mamata Bannerjee ki jamkar taareef ki. Vah unke PM banane ke baar mein poochhe gaye savaal ko badi chaalaaki se taal gaye. Modi se jab poochha gaya ki har neta ki tarah unki mahatvakaanksha bhi PM banane ki hai to Modi ne kaha,'Ek neta ki pradhaanamantri banane ki ichha ho sakti hai, lekin vah neta naheen hain. 'Mamata ki jamkar taareef: Modi ne apne bhaashan mein mamata Bannerjee sarkaar ki khoob taareef ki. Modi ki is taareef karne ko mamata ki taraf dosti ka haath badhaane ke taur par dekha ja raha hai. Modi ne apne Kolkata ke bhaashan mein bhi Gujarat mein Congress ke kiye gaye gaddhon ka jikr karte hue kaha ki unhein inhein bharne mein 10 saal lage. Unhonne kaha ki pashchim Bengal ki sarkaar ko 32 saal se khode gaye gaddhon bharne mein na jaane kitna samay lagega. Modi ke shabd the, 'Gujarat mein Congress mitron ke kiye gaye gaddhon ko bharne mein mere 10 saal chale gaye. Pashchim Bengal mein to 32 saalon mein aise-aise gaddhe hue hain ki. . . Kya tabaahi ka manjar chala hai 32 saal tak. . . Yahaan ki janta ne jise jimmedaari di hai use na jaane kitne saalon tak kitni mehnat karni padegi tab jaakar ye gaddhe bhareinge. Mujhe vishvaas hai ki in dinon jo prayaas ho rahe hain, ve gaddhe bharne ki disha mein ho rahe hain aur mujhe ummeed hai ki pashchim Bengal ke logon ke sapane jaroor poore honge. ' Modi ke ye shabd mamata Bannerjee ke jakhmon par maraham lagaane ki koshish thi. Gaurtalab hai ki mamata Bannerjee tab-tab raajya ki khasta haalat ke liye poorvavarti vaamamorcha sarkaar ko jimmedaar thaharaati rahi hain. Mamata is samay Delhi mein hain. Vah pradhaanamantri Manmohan Singh se mulaakaat kar karj ke bojh tale pashchim Bengal ke liye vitteeya madad par baat karne waali hain. Modi ke pahunchate hi mamata ke Delhi ravaana hone ko unke Modi se doori banaae rakhane ke taur par dekha ja raha tha, lekin Modi ne apne bhaashan mein pashchim Bengal sarkaar ki jamkar taareef kar mamata ki taraf dosti ka haath badhaaya hai. Videsh neeti par uthaae savaal Modi ne apne bhaashan mein UPA sarkaar ko bhi nishaane par liya. Modi ne sarkaar ki videsh neeti par to savaal uthaae hi saath hi kaha ki kendra sarkaar ke paas vikaas ki koi neeti naheen hai aur vah faailein dabaakar baith jaati hai. Modi ne matadaan karne ke liye itaalavi mareens ko svadesh jaane ki anumati dene tatha bhaarateeya sainikon ke sir kaate jaane ke baavajood Pakistan ke prati naram rukh apnaane ke liye kendra sarkaar ki kadi aalochna ki. 'Gair-Congress shaasit raajyon se ho raha hai bhedabhaav' Modi ne kendra sarkaar par gair-Congress shaasit raajyon ke saath bhedabhaav karne ka aarop bhi lagaaya. Unhonne kaha ki unhein pashchim Bengal mein bhi yahi hota dikh raha hai. Modi ne kaha,'Vajpayee sarkaar ke dauraan pashchim Bengal ne kabhi yah naheen kaha ki uske saath bhedabhaav kiya ja raha hai. ' haalaanki peeemao ne Modi ke bhaashan ke theek baad bayaan jaari kar iska khandan kiya. Peeemao ne kaha ki kisi bhi raajya ke saath bhedabhaav naheen kiya gaya hai. Bhaashan se pehle Modi ka huaa virodh Modi ko mangalvaar ko alag anubhav se gujarana pada. Kolkata ke udyamiyon ke saath unke kaaryakram se pehle kuchh logon ne hotel ke baahar jamkar hangaama kiya. Jis samay yah hangaama ho raha tha Modi hotel ke andar maujood the. Modi is kaaryakram ke liye jaise hi hotel mein daakhil hue, kuchh log pradarshan karte hue hotel tak pahunch gaye. Log Modi virodhi naare laga rahe the. Police ne mauke par pahunchakar hangaama kar rahe logon ko vahaan se hataaya. Modi somvaar der shaam ko Kolkata pahunche. Mangalvaar subah Modi ne dakshineshvar kaali ki pooja ki aur iske baad beloor math bhi gaye. Modi is kaaryakram ko sambodhit karne ke baad shaam ko pradesh BJP ikaai ke kaaryakarta sammelan mein bhi hissa leinge.

Pradhaanamantri Banane Ki Chaah Naheen Hai Modi https://www.angrejinews.com/pic/4969