Pradhaanamantri Banane Ke Baad Narendra Modi Ki Pehli Videsh Yaatra, Do-divseeya Daure Par Bhootaan Pahunche

India »

Pradhaanamantri Banane Ke Baad Narendra Modi Ki Pehli Videsh Yaatra, Do-divseeya Daure Par Bhootaan Pahunche

Modi bhootaani sansad ke sanyukt satr ko bhi sambodhit kareinge Modi bhootaani sansad ke sanyukt satr ko bhi sambodhit kareinge Nai Delhi / thinfoo: pradhaanamantri banane ke baad Narendra Modi ravivaar ko pehli videsh yaatra par bhootaan pahunche, jahaan vah is padosi desh ke saath jyaada prabhaavi sahayogaatmak sambandh banaane par jor deinge. Paaro havaai adde par pradhaanamantri shering tobage ne unki agavaani ki aur unhein aupachaarik guard of onar diya gaya. Pradhaanamantri ke saath videsh mantri Sushma Swaraj, raashtreeya suraksha salaahakaar ajeet dobhaal aur videsh sachiv sujaata Singh bhi hain. yaatra par jaane se pehle Modi ne kaha ki bhootaan unki pehli videsh yaatra ke liye svaabhaavik sthal tha, kyonki uske saath Bhaarat ke anokhe aur vishisht sambandh hain. do din ki yaatra mein pradhaanamantri bhootaan ke raaja jigme khesar naamagyel vaangachuk aur pradhaanamantri shering tobage se mulaakaat kareinge. apni yaatra ki poorv sandhya par pradhaanamantri Narendra Modi ne shanivaar raat kaha ki unki pehli videsh yaatra ke liye bhootaan 'Adviteeya aur adbhut sambandhon' ki vajah se ek 'Svaabhaavik pasand' hai tatha unki yaatra vikaas sahayog ko aur bhi adhik prabhaavi banaane par keindrit hogi. yaatra par ravaana hone se poorv Modi ne apne bayaan mein kaha ki bhootaan ke saath sambandh unki sarkaar ki mahatvapoorn videsh neeti ki praathamikta hogi. Modi ne kaha, main bhootaan ki apni pehli yaatra evam bhootaan ke saath Bhaarat ke vishesh sambandhon ko aur bhi adhik gahra tatha majaboot banaae jaane ko lekar utsuk hoon. Unka yeh daura bhootaan naresh aur bhootaani pradhaanamantri ke aamantran par ho raha hai. Modi ne kaha, main pehle se hi majaboot sambandhon ko aur majaboot karne ke liye atyant khushi evam drudh ichha ke saath bhootaan ja raha hoon. Modi ne bataaya ki unhonne apni pehli videsh yaatra ke roop mein bhootaan ko kyon chuna. Unhonne kaha, samaan hiton aur saajha samruddhi se bandhe Bhaarat aur bhootaan ke beech adviteeya aur khaas sambandh hain, jo bhoogol, itihaas aur sanskruti ke rishton se bane hain, isliye pradhaanamantri ke roop mein meri pehli videsh yaatra ke gantavya ke roop mein bhootaan ek svaabhaavik pasand hai. pradhaanamantri ne kaha ki unki yaatra ke dauraan unhein dwipaksheeya sambandhon ke sampoorn pahaloo par bhootaan naresh tatha bhootaani pradhaanamantri ke saath vistrut charcha karne ka mauka milega. Pradhaanamantri ne kaha, hamaare vikaas sahayog kaaryakram ki bhootaani netrutv ke saath main sameeksha karoonga, taaki ise bhootaan ke logon ki badalti aakaankshaaon ke pariprekshya mein aur adhik prabhaavi tatha javaabadeh banaaya ja sake. Modi ne kaha, bhootaan aur Bhaarat ke beech behad khaas rishta hai, jo vakt par khara utara hai. Unhonne kaha ki bhootaan ka shaantipoorn evam sugam tareeke se lokataantrik samvaidhaanik raashtra ke roop mein badlaav ek safal kahaani raha hai. Uske gauravon ki buddhimaani poorn dooradarshita ke anuroop kramik dhang se iska chunaav aayojan iske lokatantr ke majaboot hone ka saakshya hai. yaatra ke dauraan Modi bhootaan ki sansad ke sanyukt satr ko sambodhit kareinge. Vah Bhaarat ki sahaayata waali pariyojanaaon mein se ek bhootaan ke Supreme court ki imaarat ka bhi udghaatan kareinge. Modi ne bayaan mein kaha, Bhaarat sarkaar bhootaan ke saamaajik-aarthik vikaas mein iski visheshaadhikrut aur agrani saajhedaar rahi hai. Ham bhootaan ki ullekhaneeya aarthik vruddhi aur iski pragati tatha samruddhi se abhibhoot hain. Ham bhootaan ko iske vikaas prayaason mein apna bharpoor samarthan jaari rakhane ko katibddh hain. unhonne kaha ki bhootaan ke saath panabijli sahayog faayde vaale sahayog ka ek utkrusht udaaharan tatha samooche kshetr ke liye ek model hai. Yaatra ke dauraan pradhaanamantri Modi 600 megawatt ki kholongachoo panabijli pariyojana ki aadhaarashila rakheinge. (input bhaasha se bhi)

Pradhaanamantri Banane Ke Baad Narendra Modi Ki Pehli Videsh Yaatra, Do-divseeya Daure Par Bhootaan Pahunche https://www.angrejinews.com/pic/53965