Prachand Ne Suraksha Mudde Par Di Bhaarat Ko Chetaavani

World » Friday, April 26, 2013

Kaathamaando . . Bhaarat ki chaar divseeya yaatra ki poorv sandhya par yoonaaited seepeeen-maaovaadi ke pramukh prachand ne chetaavani di hai ki agar nai Delhi ne Nepal ke vikaas mein madad naheen ki to vah apne vishaal padosi desh ki suraksha chintaaon par dhyaan naheen dega. Ek raashtreeya samaachaar patra ne unke havaale se kaha, 'Main apni Bhaarat yaatra ke dauraan Nepal ke aarthik vikaas ka mudda uthaaoonga. Yadi Bhaarat ne madad naheen ki to ham unki suraksha chintaaon par dhyaan naheen deinge. ' ullekhaneeya hai ki Bhaarat ki Nepal se lagi 1800 kilometer lambi khuli seema hai aur vahaan bhaarateeya seema mein avaidh hathiyaaron, maadak padaarthon ki taskari aur farji bhaarateeya mudra laae jaane jaisi gambhir suraksha chintaaen hain. Party sootron ne bataaya ki prachand (59) ke saath unki patni seeta dahal aur unke do anya sahayogi bhi aaenge. Prachand ki yah yaatra aise samay par ho rahi hai jab vah ek saptaah ki cheen yaatra se laute hain jahaan unhonne sheersh star ke cheeni adhikaariyon aur pradhaanamantri shi chinfing samet kai netaaon se mulaakaat ki aur desh ke aarthik vikaas mein sahaayata maangi.