Praan Ko Der Se Mila 'Faalke Irfan

Movies »

Praan Ko Der Se Mila 'Faalke Irfan

nai Delhi. . Maujooda vakt ko hindi cinema ka behad majedaar daur bataate hue film 'Paan Singh tomar' ke liye best aiktar ka naishanal award jeetne vaale kalaakaar Irfan Khan kehte hain ki hindi filmon ke behatareen vilen praan ko bahut pehle daada saaheb faalke puraskaar mil jaana chaahiye tha. Irfan ne khaas mulaakaat mein bataaya, 'Praan saahab hindi filmon ki 'Aaikaun' shakhsiyt hain aur unhein bahut pehle desh ke sarvashreshth film puraskaar se navaaja jaana chaahiye tha. Der se hi sahi magar hindi filmon ke shataabdi varsh mein unhein yah puraskaar milna behad sammaanajanak hai. ' haalaanki, oscar winner film 'Slamadaug miliyneyar' ke abhineta Irfan ne kaha ki afsos is baat ka hai ki praan saahab kharaab sehat ke chalte puraskaar samaaroh mein shirkat naheen kar sake. Unke saath hona hamaare liye yaadagaar pal hota. Ham sabhi unke jald se jald svasthya hone ki kaamna karte hain. Film 'Haasil' ke liye 2003 mein sarvashreshth khalanaayak ka puraskaar jeetne vaale abhineta ne kaha ki yah mahaj ittefaak hai ki hindi cinema ke shataabdi varsh mein do doston (Irfan aur tigmaanshu) ko ek saath prize diya gaya. Is dosti ki shuruaat enaesadi mein padhaai ke dauraan hui thi. Tigmaanshu Dhulia aur Irfan Khan ne film jagat mein apne safalta ke safar ki shurooaat 'Haasil' film ke saath ki thi. Donon aaj bhi ek doosare ke saath kaam karne ko adhik tarajeeh dete hain.

Praan Ko Der Se Mila 'Faalke Irfan https://www.angrejinews.com/pic/7736