Poster Maamale Mein Giraftaar Aap Netaaon Ko Mili Jamaanat

Breaking »

Poster Maamale Mein Giraftaar Aap Netaaon Ko Mili Jamaanat

Nai Delhi: Delhi ki ek adaalat ne aam aadmi party ke un teen sadasyon ko jamaanat de di, jinhein vibhinn samoohon ke beech vaimanasya paida karne ke liye kathit roop se bhadkaau sandeshon vaale banner lagaane ke aarop mein giraftaar kiya gaya tha. metropolitan magistrate sheetal chaudhari ne aam aadmi party ki Delhi ikaai ke sachiv dileep paandeya, prakaashan aur saajo saamaan prabhaari Ram Kumar jha aur designer jaaved Ahmad ko jamaanat par chhodne ka aadesh diya. magistrate ne kaha, 'Sabhi aaropiyon ko kuchh sharton ke saath jamaanat di gayi hai jaise vah jaanch poori hone tak jaanch agency ke saath sahayog kareinge, vah adaalat ki poorv anumati ke bina shahar chhodkar naheen jaaenge aur jaanch mein dakhal naheen deinge. Iske alaava vah gavaahon ko prabhaavit karne aur subooton se chhedchhaad karne ki koshish bhi naheen kareinge. In logon ko 30,000 rupaye ka niji muchalaka aur itni hi pratibhooti raashi par jamaanat di gayi. paandeya, Ahmad aur jha ko 18 July ko giraftaar kiya gaya tha. Inapar Congress ke vidhaayakon ke khilaaf bhadkaau sandeshon vaale poster lagaane ka aarop tha. yeh poster teen muslim Congressi vidhaayakon ke vidhaanasabha kshetron mein lagaae gaye the aur inmein unhein 'Samudaaya ka gaddaar' bataaya gaya tha. Aisi afavaahein theen ki Congress vidhaayakon ka ek dal Delhi mein sarkaar banaane ki sugabugaahat ke beech bhaajapa sarkaar ka samarthan karne ko taiyaar hai.

Poster Maamale Mein Giraftaar Aap Netaaon Ko Mili Jamaanat https://www.angrejinews.com/pic/57861