Posco Ke Liye Bhoomi Adhigrahan Teesare Din Bhi Jaari

India » Tuesday, March 26, 2013

Paaraadeep. . Orissa ke jagatasinhapur jile mein Posco ki steel pariyojana ke liye bhoomi adhigrahan ka kaam mangalvaar ko teesare din bhi shaantipoorvak jaari raha. Jabki Posco virodhi pradarshanakaariyon ne nishedhaagya ke khilaaf rally nikaalne ki yojana banaai. Jilaadhikaari S ke malik ne bataaya, '' kanoon vyavastha ki samasya ko rokane ke liye pataana gaanv mein aparaadh dand sanhita ki dhaara 144 ke tahat nishedhaagya laagoo kiya gaya hai aur iska ullanghan karne vaalon ko hiraasat mein liya jaaega. '' malik ne kaha, ''Bhoomi adhigrahan ka kaam suchaaroo dhang se chal raha hai. Gobindpur gaanv mein paan ke 12 khet dhvast kiye gaye hain. Graameen poori tarah se sahayog kar rahe hain. '' police adheekshak satyavrat bhoi ne kaha ki paan ke khet aur ichhuk kisaanon ki jameen ka adhigrahan shaantipoorvak kiya ja raha hai. Bhoi jilaadhikaari aur anya adhikaariyon ke saath bhoomik adhigrahan ki nigraani kar rahe hain jo chhah February ke baad ruk gaya tha aur ravivaar ko dobaara se shuroo huaa. Adhikaari ne kaha ki bhoomi khone vaalon ko moolyaankan ke baad check se bhugataan kiya jaaega. Dhinkiya Patna haat maarg ko seal kar diya gaya aur pradarshanakaariyon ko baithak sthal se rokane ke liye 430 puliskamiryon ko tainaat kiya gaya