Portfolio Se Gold Ko Baahar Karna Theek Naheen

Business »

Portfolio Se Gold Ko Baahar Karna Theek Naheen

[ preeti Kulkarni | Mumbai ] kya gold aur sasta hoga? Gold mein paisa lagaane vaale log in dinon isi savaal ka javaab talaashane ki koshish kar rahe hain. Reserve bank ke pichhle hafte gold inport mein dheel dene ke baad Bhaarat mein iski keemat mein bhaari giraavat I thi. Kuchh inavestars ko is baat ka pakka bharosa hai ki aane vaale dinon mein gold aur sasta hoga. Vah maankar chal rahe hain ki nai sarkaar gold par custom duty mein kami karegi aur fauren inavestameint badhne se rupaye mein majabooti aaegi. Kai enaalist yeh bhi kah rahe hain ki nai sarkaar gold inport mein aur dheel de sakti hai. Gold inport par paabandi kuchh samay ke liye lagaai gayi thi, isliye ismein dheel diye jaane aur us vajah se keemat kam hone ki ummeed ki ja rahi hai. Is baare mein kvaantam myoochual fund mein kamoditeej ke fund manager chiraag Mehta ne kaha, 'Baajaar ummeed kar raha hai ki nai sarkaar gold inport par paabandiyon mein dheere-dheere dheel degi aur inport duty bhi kam ki jaaegi. Agar aisa hota hai to domestik market mein gold sasta ho sakta hai. RBI ka haaliya notification isi disha mein uthaaya gaya kadam hai. ' vaheen laidaraap velth management ke mainejing director raaghaveindr naath ne kaha, 'International market mein gold par preshar bana hua hai. Haalaanki, daam mein tej giraavat ki aashanka naheen hai. Rupaye mein gold ki keemat aur kam ho sakti hai kyonki nai sarkaar inport paabandiyaan kam karegi, jinhein pichhle saal kareint account defisit ko control karne ke liye lagaaya gaya tha. ' pichhle shukravaar ko gold ka daam 27,850 rupaye prati 10 gram tha, jabki somvaar ko yeh maamooli badhotri ke saath 27,870 rupaye par chala gaya tha. Gold ko lekar kya karna chaahiye? Is saal February tak gold ki keemat 4 parseint badhi thi, lekin uske baad se ismein lagaataar giraavat aa rahi hai. Kaha ja raha hai ki evarej inavestar ko portfolio mein gold ko naheen rakhana chaahiye. Haalaanki, log gold mein inavestameint banaae hue hain aur kuchh ke portfolio mein to iska vetej kaafi jyaada hai. Kuchh saal pehle tak gold mein har koi paisa laga raha tha aur 2008 aur 2010 mein isne 15 parseint se jyaada ka return diya tha. Gold ke baare mein laidara7 financial edavaaijareej ke sartifaaid financial plaanar suresh sadagopan ne kaha, '4-5 saal pehle tak kai retail inavestars ne gold mein kaafi paisa lagaaya tha. Tab gold ke daam har saal badh rahe the. Retail inavestars aksar us eset class mein paisa lagaate hain, jismein kaafi teji chal rahi hoti hai. Us vakt kai logon ko lag raha tha ki gold ke daam kabhi kam naheen honge. Pichhle do saal mein gold se bahut kam return mila hai. Ab gold ka naam lete hi retail inavestars ka mood of ho jaata hai. ' unka kehna hai ki market movement ki paravaah kiye bagair retail inavestars ko eset elokeshan banaae rakhana chaahiye. Motilal osavaal financial services mein esosiyet director kishor naarne ne kaha , ' short tarm movement ke aadhaar par tredars call lete hain. Gold ke daam mein to pehle se hi giraavat ki ummeed ki ja rahi thi. ' naarne ka maanana hai ki retail inavestars ko portfolio mein 10-15 parseint gold rakhana chaahiye. Ikanaumik asthirta vaale daur mein isse portfolio ka risk kam hoga. Unhonne kaha ki gold ki keemat agar 24,000-24,500 rupaye tak jaati hai , to ismein inavestameint kiya ja sakta hai. Sadagopan ka kehna hai ki inavestars ko eset elokeshan ko dhyaan mein rakhakar gold khareedne ya bechne ke baare mein faisala karna chaahiye. Haalaanki , iski khaatir kam munaafe ya kuchh loss ke liye bhi taiyaar rahana chaahiye. Agar aap gold mein portfolio ko daayavarsifaai banaane ke liye paisa laga rahe hain aur elokeshan limit ke andar hai to aapko abhi sona bechne ki jaroorat naheen hai.

Portfolio Se Gold Ko Baahar Karna Theek Naheen https://www.angrejinews.com/pic/52062