Poorv Mantri Naseemuddeen Siddiqui Ne Maujooda Lokaayukt Ki Vaidhata Par Uthaaya Savaal

Breaking »

Poorv Mantri Naseemuddeen Siddiqui Ne Maujooda Lokaayukt Ki Vaidhata Par Uthaaya Savaal

Lucknow. . Basapa mukhiya maayaavati ke kareebi rahe tatkaaleen lokanirmaan mantri naseemuddeen Siddiqui ne uttar pradesh ke lokaayukt dvaara basapa raaj mein bane smaarakon ke nirmaan mein karodon roopaye ke ghotaale mein unhein kathit roop se shaamil bataaye jaane ke ek din baad maujooda lokaayukt ki vaidhata par hi savaal utha diya. Vaheen mukhyamantri Akhilesh Yadav ne kaha hai ki lokaayukt ki report par kaanoon ke tahat kaarravaai ki jaayegi. Siddiqui ne aaj jaunapur mein samvaadadaataaon se baatcheet mein kaha, 'Kuchh logon ne samaajavaadi party sarkaar dvaara lokaayukt ka kaaryakaal badhaaye jaane ki vaidhata ko Supreme court mein chunauti di hai, jismein court ne pradesh sarkaar aur lokaayukt ko notice jaari kiya hai aur jaldi hi us par sunavaai hone waali hai. ' maayaavati raaj mein smaarakon ke nirmaan ke liye pattharon ki khareed mein karodon roopaye ke ghotaale mein bhrashtaachaar aur aniyamitata ke liye jimmer thaharaaye gaye 199 logon mein shaamil tatkaaleen lok nirmaan mantri Siddiqui ne kaha, 'Ham lokaayukt se is maamale mein kisi prashansa ki apeksha naheen kar rahe the. ' idhar Lucknow mein lokaayukt ki report ke baare mein savaal hone par mukhyamantri Akhilesh Yadav ne kaha ki maamale ki jaanch chal rahi hai aur kaanoon apna kaam karega. Lokaayukt ne mukhyamantri Akhilesh Yadav ko kal saunpi apni report mein basapa raaj mein smaarakon ke nirmaan mein lagbhag 1400 karod roopaye ke ghotaale ke baare mein bataaya hai. Ismein basapa sarkaar ke do mantriyon, ek maujooda vidhaayak evam do poorv vidhaayakon tatha kai adhikaariyon aur abhiyantaaon sahit 199 logon ko doshi thaharaaya gaya hai. Unhonne apni report mein poorv mantri Siddiqui evam babu Singh Kushwaha, maaining dipaartameint ke poorv jauint director esae faarooki, pablik varks ke poorv mainejing director CP Singh aur 15 injiniyron ke khilaaf bhrashtaachaar unmoolan adhiniyam ke tahat praathamiki darj karne aur anya ke khilaaf jaanch ke baad praathamiki darj karke leegal aikshan lene ki sifaarish ki hai.

Poorv Mantri Naseemuddeen Siddiqui Ne Maujooda Lokaayukt Ki Vaidhata Par Uthaaya Savaal https://www.angrejinews.com/pic/9246