Poorv Congressi Emaelae Ke Bete Ne Ki Khudakushi

Breaking »

Poorv Congressi Emaelae Ke Bete Ne Ki Khudakushi

Ek samvaadadaata . Sahaaranapur Congress ke poorv vidhaayak chamanalaal ke bete ne kathit taur par khud ko goli maarkar khudakushi kar li. Aatmahatya ka kaaran maanasik tanaav bataaya ja raha hai. Police jaanch kar rahi hai. 1984 mein Congress ke tikt par naagal se emaelae rahe chamanalaal chaman ke parivaar ki aarthik sthiti in dinon theek naheen hai. Haal hi mein chaman ne deharaadoon rod sthit roadways waali gali mein apna chhota sa makaan banaaya tha, jismein ve apne 6 beton va 2 betiyon ke saath rahate the. Bataaya jaata hai ki chamanalaal ka beta pradeep Kumar chhota mota printing ka kaam karta tha. Pichhle kaafi samay se vah maanasik tanaav se grast tha. Is kaaran pradeep ne sharaab peeni shuroo kar di thi. Guruvaar ko pradeep sharaab ke nashe mein apne ghar pahuncha to doosare kamre mein uske bhaai-bahan TV dekh rahe the. Chaman Rampur manihaaraan gaye hue the. Isi beech doosare kamre se goli chalne ki aavaaj sunate hi pradeep ke anya bhaai-bahan kamre ki or daude. Vahaan pradeep ki laash padi thi. Bataaya gaya hai ki pradeep ne tamanche se apne sir mein goli maarkar aatmahatya kar li thi. Police maamale ki jaanch kar rahi hai.

Poorv Congressi Emaelae Ke Bete Ne Ki Khudakushi https://www.angrejinews.com/pic/3826