Poorv Bhaarateeya Army Officer Ne Beevi-bachchon Ko Goli Maar Jaan Di
World » Tuesday, March 26, 2013
Washington. . Kashmiri maanavaadhikaar vakeel ki hatya mein sandigdh 47 saal ke ek poorv bhaarateeya sainya adhikaari ne ravivaar ko kailifaurniya sthit apne ghar mein apni beevi, do bachchon ki hatya kar khudakushi kar li. Avataar Singh ne subah sava chhah baje selama police ko phone karke khabar di ki usane apne parivaar ke sadasyon ki hatya kar di hai aur vah khud ko maarane ja raha hai. Fresano County sherif maarget mims ne bataaya, 'Singh ke paas sainya anubhav hone ke kaaran sthaaneeya police ne fresano County sherif ke adhikaariyon ki madad li. ' mims ne kaha ki sherif ke adhikaariyon ne Singh se phone par baatcheet karne ki koshish ki, lekin usane koi javaab naheen diya. Adhikaariyon ki team ne jab Singh ke ghar pravesh kiya to Singh, unki patni aur do bachchon ke shav mile. Unhonne bataaya ki ghar par ek jakhmi bachcha bhi mila jise aspataal mein bharti karaaya gaya aur usaki sthiti naajuk bani hui hai. Hatya ki vajahein tatkaal saaf naheen ho paain. Singh 1990 ke dashak mein bhaarateeya sena mein major the aur vah March 1996 mein shreenagar mein maanavaadhikaar vakeel jaleel aandebi ki hatyaakaand mein aaropi the