Ponting-sachin Ki Form Se Teinshan Mein Mumbai Indians

Cricket »

Ponting-sachin Ki Form Se Teinshan Mein Mumbai Indians

Kaptaan Ricky Ponting aur sachin Tendulkar ki kharaab form Mumbai Indians ke liye chinta ka sabab hai. Donon hi mahaan khilaadi tournament mein ab tak team ko achhi shurooaat dilaane mein naakaam rahe hain. Mumbai Indians ne IPL mein khele gaye paanch mein se teen maichon mein jeet darj ki hai aur team chhah ank ke saath paanchavein sthaan par hai. Ravivaar ko Mumbai ka mukaabala Delhi Daredevils se hai. Haalaanki usaki sthiti Delhi ke mukaabale kaheen behtar hai. Delhi tournament mein ab tak apne sabhi chhah match haar chuki hai. Pichhle match mein Mumbai ko Rajasthan Royals ke haathon 87 run ki karaari haar ka saamana karna pada tha. Rajasthan ke 180 run ke lakshya ka peechha karte hue Mumbai ka star khilaadiyon se saja ballebaaji kram 92 run par dher ho gaya tha. Isse Mumbai ka manobal bhi kuchh had tak jaroor gira hai. Mumbai mein sachin Tendulkar aur Ricky Ponting ke alaava keeron Pollard, lasith malinga aur rohit sharma jaise star khilaadi hain. Mumbai ne Australia ke glen Maxwell ko laakhon dollar mein khareeda tha, lekin unhein IPL chhah mein ab tak khelne ka mauka naheen mila hai. Team ki or se wicket-keeper dinesh kaartik 254 run jodkar sabse safal ballebaaj rahe hain. Rohit sharma ne balle se prabhaavit kiya hai, lekin unke pradarshan mein nirantarata ki kami hai. Vaheen malinga, Michelle Johnson, pragyaan ojha, Harbhajan Singh aur Pollard ki maujoodagi mein team ka geindabaaji aakraman bhi prabhaavashaali hai.

Ponting-sachin Ki Form Se Teinshan Mein Mumbai Indians https://www.angrejinews.com/pic/6219