Ponting Aur Sachin Ne Ki Batting Praiktis

Cricket » Monday, April 1, 2013

agencyan . Bengaluru duniya ke do dhurandhar baitsamain- Bhaarat ke sachin Tendulkar aur Australia ke Ricky Ponting ko somvaar ko yahaan ek hi team ki or se praiktis karte dikhe. Australia ke poorv captain Ponting ne Mumbai Indians ke apne saathi sachin ke saath apni team ke pehle IPL -6 match se pehle jamkar batting praiktis ki. England aur Australia ke khilaaf ghareloo test series mein joojhane vaale vaale sachin Tendulkar ne yahaan naishanal cricket academy (enaseee) mein do ghante tak batting praiktis ki jabki is dauraan unki manubai Indians ke captain Ponting ne un par kareebi najar rakhi. Mumbai Indians ki team apne abhiyaan ka aagaaj yahaan 4 April ko royal Challengers beingalor (aaraseebi) ke khilaaf match se karegi. Sachin ne sabse jyaada samay tak praiktis ki jabki Ponting, rohit sharma aur dinesh kaartik ne 45 minute se kam praiktis ki . Sachin Tendulkar ne enaseee ki mukhya pitch par lagbhag 20 minute tak seedhe balle se 'Throdaaun' ka saamana kiya jabki Ponting ne apne pasandeeda pul shot sahit anya shot ka najaara pesh kiya. Ponting ke praiktis karne ke baad sachin ne do alag -alag ballon ke saath of spinner Harbhajan Singh aur left aarm spinner pragyaan ojha ka saamana kiya. Is anubhavi baitsamain ne seedhe balle se khelne par jyaada dhyaan diya. Sachin ne haalaanki beech- beech mein baikafut panch jaise apne pasandeeda shot bhi khele. Unhonne is dauraan lagaataar Harbhajan aur ojha ke saath baatcheet bhi ki. Sachin Tendulkar jab nets praiktis kar rahe the tab Ponting khade hokar lagbhag ek ghante tak is anubhavi bhaarateeya baitsamain ko nihaarate rahe. Ponting ko is dauraan Harbhajan aur team ke anya saathiyon tatha Mumbai Indians ke mukhya mentor aur poorv bhaarateeya captain anil Kumble ke saath charcha karte hue bhi dekha gaya. Harbhajan aur ojha ka saamana karne ke baad sachin ne doosra bait uthaaya aur kareeb vaale nets par club baulars ka saamana kiya. Doosare kone par kaartik thos pitch par throdaaun ka saamana kar rahe the aur unhonene mukhya roop se kavar drive aur pul shot par dhyaan diya. Rohit sharma ne bhi iske baad throw daaun ka saamana kiya aur kalaai ke sahaare khelne ko tarajeeh di.