Pollard Ko Oopar Bhejana Chaahiye Tha

Cricket »

Pollard Ko Oopar Bhejana Chaahiye Tha

Mark vau. . Fains ti-20 match ka romaanchak ant dekhne ke liye aate hain. Bengaluru mein guruvaar raat yahi huaa. Fains ke har ek rupaye ki keemat vasool ho gayi, jabki dil ki dhadkan ko rok dene vaale match mein aakhiri over mein royal Challengers Bengaluru ne Mumbai Indians ko hara diya. Isse pehle aaraseebi ne Mumbai Indians ko apne hom ground chinnaasvaami stadium mein naheen haraaya tha. Dinesh kaartik ke toofaan se yah laga ki yah rekaurd kaayam rahega, lekin vinaya Kumar ne ining ka aakhiri over kisi hero ki tarah feinka aur aaraseebi ke fains ko jashn mein doobne ka mauka diya. Yah match Indians ko jeetna hi chaahiye tha. Agar koi ek kaaran is haar ke liye jimmedaar tha to vah tha kiron Pollard ko number chhah par bhejana. Yah pehli baar naheen huaa ki Pollard ko bilkul ant mein bheja gaya, jabki unke rekaurd ko dekhte hue unhein number chaar par bheja jaana chaahiye tha. Shaayad number teen ya kuchh maichon mein unase opening bhi karaani chaahiye. Captain sochate hain ki Pollard ko finisher ke roop mein rakha jaae, lekin yah daanv back fire bhi karta hai. Nishchit roop se Ricky Ponting aur sachin Tendulkar ko ek saath paari ki opening karte dekhna behad shaanadaar tha aur unhonne 52 run ki achhi shuruaat bhi di thi. Magar donon ek hi style ke baitsamain hain. Kisi ek ko ataik karke teji se run banaane chaahiye the. Vaheen kris Gale hamesha ki tarah ti-20 cricket mein behatareen baitsamain saabit hue. Jab Gale vaar kar rahe the to Mumbai ko nishchit roop se shreelankaai pesar lasit malinga ki kami khal rahi hogi. Haalaanki nae pesar jasapreet bumara ko unke anokhe bauling action ke kaaran teen wicket mil gaye. Ab Mumbai ki takkar chennai super kings ke saath hai. IPL mein is team ka shaanadaar rekaurd hai. Mumbai ko Ashwin aur Ravindra jadeja ke spin ataik se bhidne ki straitiji banaani hogi. Aise mein Mumbai ko lagaataar do shuruaati match haarne se bachane ke liye batting order mein ferabadal karna hoga.

Pollard Ko Oopar Bhejana Chaahiye Tha https://www.angrejinews.com/pic/4595