Police Sudhaar Maamale Mein Supreme Court Ne Maangi Report

India »

Police Sudhaar Maamale Mein Supreme Court Ne Maangi Report

pras . Nai Delhi: Bihar aur Punjab mein pulisiya kaarravaai par sunavaai ke dauraan Supreme court ne tamaam raajyon se kaha hai ki vah 2006 ke police rifaurm par amal ke baare mein apni report pesh karein. Saath hi, court ne state va distrikt leval par police kanpleint athauriti gathit karne ko bhi kaha hai. Supreme court ne kaha ki pichhle 7 saalon mein sthiti behad bigdi hai. Adaalat ne raajya sarkaaron se kaha ki ve jila aur raajya star par police shikaayat athauriti sthaapit karne ke baare mein ab tak uthaae gaye kadam ke baare mein efidevit daakhil karein. Court ne yah aadesh tab diya jab use bataaya gaya ki jyaadaatar raajyon ne abhi tak Supreme court ke aadesh ka poori tarah paalan naheen kiya gaya. Adaalat ne kaha ki policekarmiyon ko adhik samvedansheel banaane ke liye turant police sudhaar ki aavashyakta hai. Adaalat ne kaha ki VVIP ki suraksha mein lage policekarmiyon ko aam aadmi ki suraksha ke liye tainaat kiya jaana chaahiye. Adaalat ne kaha ki VVIP ki sanskruti khatm karni hogi.

Police Sudhaar Maamale Mein Supreme Court Ne Maangi Report https://www.angrejinews.com/pic/5320