Police Mein Sudhaar Chaahate Hain Shinde

India »

Police Mein Sudhaar Chaahate Hain Shinde

vishesh samvaadadaata . Nai Delhi doosare prashaasanik aayog ki sifaarishon par jyaadaatar raajyon ki nakaaraatmak rai ke baavajood keindreeya gruh mantri susheel Kumar shinde ne police sudhaar ki jaroorat bataai hai. Unka kehna hai ki police ko kaamkaaj ka behtar evam dabaav mukt maahaul diye jaane ki jaroorat hai. Yah alag baat hai ki jyaadaatar raajya unase asahamat najar aae. Gruh mantri ne kaha ki aaj desh mein lok vyavastha aur police donon hi chunautiyon ka saamana kar rahe hain. Janta ki ummeedein badh rahi hain. Aise mein police par dabaav aur bojh badh raha hai. Aane vaale samay mein yah aur badhega. Isliye police ko kaamkaaj ke liye behtar maahaul dena jaroori hoga. Aise mein yah hamaari jimmedaari hai ki saamoohik roop se maujooda haalaat ka jaayaja lein. Aur behatari ke liye apne sujhaav dein. Gruhamantri ne kaha ki aayog ki 153 sifaarishon par mukhyamantriyon ki rai jaanane ke liye unhonne pichhle saal sabhi raajyon ko patra likha tha. Lekin sirf 15 raajyon se uttar aae. Isi vajah se yah sammelan bulaana pada. Sammelan samay se pehle khatm hone ke chalte gruh mantri ne patrakaaron se baat bhi naheen ki. Baad mein gruh mantraalaya ki or se jaari ek sankshipt bayaan mein kaha gaya ki prashaasanik sudhaar aayog ki sifaarishon par raajyon ki or se bebaak rai di gayi. Baithak mein police sudhaar, lok vyavastha prabandhan, aaparaadhik nyaaya pranaali mein sudhaar, sangheeya aparaadh evam vishesh kaanoon, lok vyavastha ke prabandhan mein samaaj aur media ki bhoomika aadi muddon par charcha hui. Yahaan yah bhi bataana uchit hoga ki jyaadaatar gairakaangresi mukhyamantriyon ne police sudhaaron ko lekar aayog ki sifaarishon ko poori tarah khaarij kar diya hai. In mukhyamantriyon ka saaf kehna hai ki kendra sarkaar raajyon ke aantarik maamalon mein jyaada hastakshep kar rahi hai. Sammelan mein aae madhya pradesh ke gruhamantri umaashankar gupta ne kaha ki kaanoon vyavastha raajyon ka vishay hai. Lekin kendra sarkaar is vishay par bhi avyaavahaarik sujhaav deti rahati hai. Sammelan mein maujooda tripura ke mukhyamantri maanik sarkaar ne kaha ki sankat ke vakt raajya mein suraksha balon ki tainaati ka adhikaar kendra sarkaar ko diya jaana sangheeya dhaanche ke mool dhaanche ke khilaaf hai. Yah raajya sarkaaron ke adhikaaron par atikraman hai. Bihar ke mukhyamantri neeteesh Kumar aur Gujarat ke Narendra Modi , Tamil Nadu ki jayalalita ke likhit bhaashanon mein bhi isi tarah ke mudde uthaae gaye hain. Punjab ke up mukhyamantri sukhaveer Singh baadal ne to saaf kaha ki yah sifaarishein raajyon ke adhikaaron par seedha ' atikraman ' hai. Baithak mein shaamil hue naveen patanaayak ne bhi aayog ki sifaarishon se asahamati jataai. Raajyon ka jo ravaiya dikh raha hai usase aisa lagta hai ki kendra ke liye in sifaarishon ko laagoo kara paana kathin hoga.

Police Mein Sudhaar Chaahate Hain Shinde https://www.angrejinews.com/pic/5691