Police Ko Phone Kar Karte The Bhadda Majaak, 16 Arest

India »

Police Ko Phone Kar Karte The Bhadda Majaak, 16 Arest

Kanpur. . Kanpur shahar ke police control room mein phone kar vahaan baithe police karmiyon se gaana sunavaane ya chutakula sunavaane ki faramaaish karne ya unhein shahar mein kisi ghatna ki galat soochana dene ke aarop mein 16 logon ko giraftaar kiya gaya hai. Giraftaar kiye gaye logon ki umr 16 saal se 54 saal ke beech hai. Shahar mein police control room ke teen nanbaron, 100, 101 aur 108 par telifon milaakar unka durupayog karne ke aarop mein 16 logon ko giraftaar kiya gaya hai. Haal hi mein raajya ke police mahaanideshak ne Kanpur ke apne daure ke dauraan jab 100 number ki kaaryapranaali ki jaanch-padtaal ki to control room mein baithi mahila policekarmi ne us 'Call' ko farji samajh kar unke saath theek se baat naheen ki, haalaanki sambandhit mahila policekarmi ko baad mein nilambit kar diya gaya tha. Kanpur ke SSP yashasvi Yadav ne bataaya ki police ne farji phone karne vaalon ke khilaaf abhiyaan ki shuruaat ki thi. SSP ne bataaya ki control room mein farji phone karne vaale keval gaane ya chutakule ki faramaaish hi naheen kar rahe the, ve log mahila karmachaariyon se ashleel baatein karte the aur galat soochana bhi day rahe the. Aaropi aksar muhalle mein aag lagne aur danga fasaad karne ki galat soochanaaen diya karte the. Jab in soochanaaon par police kaarravaai karti thi to soochana galat hi niklati theen. Unhonne kaha ki isse jarooratamand logon ko sahaayata der se milti aur niyantran kaksh ke karmachaari bhi tanaav mein rahate the. Fire bigred vibhaag ke ek adhikaari ne bataaya ki kuchh manachale thaane mein phone kar dil mein aag lagne ki baat kehte the ya paani ki killat ke liye fire briged ki gaadiyon ko bhejane ka aagrah kiya tha taaki log us gaadi ke paani se apne yahaan paani le sakein. Giraftaar kiye gaye logon mein 16 saal ki sheeloo ke alaava 54 saal ke subhaash mishra sahit amit paasavaan, Ram jeevan, Shiv shankar, Siddiqui, naresh, raajoo prajaapati, ismaail, deveindr, Singh, viml saini, atul mishra, nanaka, girijesh mishra, amar Singh aur Kailash tivaari shaamil hai.

Police Ko Phone Kar Karte The Bhadda Majaak, 16 Arest https://www.angrejinews.com/pic/5573