Pol Khuli, Sarkaar Ne Badli Thi Kolaget Ki Report

Breaking »

Pol Khuli, Sarkaar Ne Badli Thi Kolaget Ki Report

Nai Delhi. . Ab yah baat saamane aa gayi hai ki koyala ghotaale ki jaanch kar rahi CBI ki status report mein sarkaar ne badlaav karavaaya tha. Angreji akhbaar Indian express ne khabar di hai ki pehle kaanoon mantri ashvini Kumar ne badlaav kiya aur fir pradhaanamantri kaaryaalaya (peeemao) va koyala mantraalaya ke adhikaariyon ne CBI ke saath milkar status report mein ferabadal kiya. CBI ne Supreme court ko bataaya hai ki jaanch report mein kahaan-kahaan badlaav hue the. Jaanch agency ne band lifaafe mein mool aur sanshodhit donon riportein di theen. 6 March ko CBI ne pehli status report saunpi thi aur 26 April ko CBI director ranjeen sinha ke aifidevit ke saath adaalat ko doosari status report di gayi. Ek adhikaari ne bataaya ki pehli report aur doosari report ko dekhne par pata chalta hai ki kareeb 15-20% tak badlaav kiye gaye hain. Pehle sarkaar ne anaupachaarik taur par kaha tha ki report mein badlaav naheen kiye gaye the, keval kuchh gadbadiyon ko theek kiya gaya tha. Justice aar. M. Lodha ki bench Supreme court 30 April ko is maamale ki sunavaai karegi. Aise mein CBI director Ranjit sinha ke aifidevit ke saath lagi report sarkaar ke liye badi pareshaani ban sakti hai. 2ji par JPC ki draft report pehle hi badi sirdardi bani hui hai. Is maamale mein nae tathya aane ke baad sansad chalne ke aasaar aur bhi kam ho gaye hain. Pehle sirf yah jaahir huaa tha ki sarkaar ne CBI director ko bula kar vah report dekhi thi. Ab khabarein hain ki report na keval dekhi gayi, balki usamein badlaav bhi karaae gaye. Kai jaankaar sarkaar ka bhavishya dagamag maan rahe hain. Congress ki sahayogi paartiyon ke log bhi sarkaar ke liye kharaab sthiti maan rahe hain. Enaseepi ke neta pehle hi sanket day chuke hain. America mein aajam Khan ke saath bartaav ko Salman khursheed ki saajish bata kar samaajavaadi party samarthan vaapas lene ka mood bana rahi hai. Haalaanki, pradhaanamantri Manmohan Singh mantri ke isteefe ki maang ko khaarij kar chuke hain. Sarkaar aashvast hai aur kah rahi hai ki aisa kuchh bhi naheen huaa hai ki Supreme court sarkaar ke khilaaf koi tippani karein.

Pol Khuli, Sarkaar Ne Badli Thi Kolaget Ki Report https://www.angrejinews.com/pic/7085