Pistoriys Par 'Poorv Niyojit Hatya Ka Aarop, Dhaavak Ka Inkaar

Breaking »

Pistoriys Par 'Poorv Niyojit Hatya Ka Aarop, Dhaavak Ka Inkaar

Pritoriya: Mashahoor dhaavak oscar pistoriys aaj adaalat mein ro pade kyonki abhiyojan paksh ne un par valentine-de ke din apni model garlafeind par 'Poorv niyojit' hatya ka aarop lagaaya. Vaheen, dhaavak ne in aaropon se inkaar kiya hai. Un par taalaaband bathroom ke darvaaje se teen baar apni premika par goli maarane ka aarop hai. 'Blade ranar' aaj jamaanat par sunavaai ke liye adaalat mein pesh hue, jismein unki premika reeva steenakainp ki hatya ke aur raaj khulne ki ummeed hai. Abhiyojan paksh ke vakeel geri neel ne pritoriya magistrate court se kaha ki pistoriys ne hathiyaar uthaaya, apne blade pahane aur saat meter tak chala aur iske baad usane taalaaband bathroom ke darvaaje se teen shot lagaae. Vakeel ne kaha ki isse saaf dikhta hai ki pistoris ne yah poorv niyojit tareeke se kiya. Aaj reeva antim sanskaar bhi kiya jaaega. Reeva steenakainp (29) ko guruvaar ko tadke pistoriys ki nau mimi pistaul se chaar goliyaan maari gayi theen. Reeva ki mauke par hi maut ho gayi thi. Pistoriys ke parivaar ne jor dete hue kaha hai ki kisi bhi tarah ki hatya ya fir poorv niyojit hatya ke saboot milne ki koi sambhaavana naheen hai. Pistoriys ke bachaav mein vakeelon ka mat hai ki unke paksh mein asaadhaaran sthitiyaan hain, jisse unhein sunavaai se pehle hi riha kiya ja sake. Is kaaran valentine-de ke din hui is vaaradaat ke baare mein aur jaankaari saamane aa sakti hai. Vaheen port Elizabeth mein reeva ke parijan uske antim sanskaar ki taiyaariyon mein jute hain. Ek saakshaatkaar mein reeva ki maan ne usaki maut ko 'Bhayaanak' bataaya. Reeva ke ek rishtedaar ne kaha ki unhein bledaranar se koi shikva naheen hai par reeva ki maut ke kaaran spasht ho. Michael steenakainp ne eefapi ko bataaya, poore parivaar ko unase koi dushmani ya nafarat naheen hai par savaal jaroor hain. Hamein ummeed hai ki unke javaab jald saamane aaenge. Reeva aur pistoriys pichhle ek saal se prem sambandh mein the.

Pistoriys Par 'Poorv Niyojit Hatya Ka Aarop, Dhaavak Ka Inkaar https://www.angrejinews.com/pic/2267