Pichhle Saal Bhi Hui Thi Ek Badi Pahal

India »

Pichhle Saal Bhi Hui Thi Ek Badi Pahal

suresh upaadhyaaya . Nai Delhi Supreme court ne jahaan blood Cancer ki dava glivek ke maamale mein aitihaasik faisala diya hai, vaheen sarkaar ne bhi pichhle saal March mein livr aur kidni ke Cancer mein kaam aane waali dava neksaavar ke maamale mein ek bada kadam uthaaya tha. Tab sarkaar ne Hyderabad ki naitako pharma ko Germany ke beyar kaurporeshan ke peteint right waali dava neksaavaar ko banaane aur bechne ki manjoori di thi. Sarkaar ne is maamale mein vishv vyaapaar sangathan (dablyooteeo) ke ek praavadhaan ka pehli baar istemaal kiya tha. Is par kaafi vivaad huaa tha aur company court mein chali gayi thi. Beyar ne 2008 mein Bhaarat mein is dava ke liye peteint haasil kiya tha, lekin iski bikri badhaane ke liye usane jaroori kadam naheen uthaae. Beyar ne 2008 mein dava ka inport naheen kiya aur 2009 tatha 2010 mein kaafi kam maatra mein dava inport kiya. Is vajah se iske daam behad oonche rahe. Dablyooteeo samjhaute ke tahat koi bhi desh saarvajanik hit ko dekhte hue peteint dhaarak ki ijaajat ke bina bhi kisi ko sambandhit praudakt banaane ki manjoori day sakta hai. Samjhaute ke 'Anivaarya license' praavadhaan ke tahat yah aadesh jaari kiya gaya. Rate 30 guna kam : Sarkaar ne naitako pharma ko neksaavaar ka 120 tablet ka packet 8,880 rupaye mein bechne ki ijaajat di hai. 120 tablet ek maheene ki khuraak hai. Beyar kauraporeshan iske liye 2.80 lakh rupaye leti thi. Yah dava leevar aur kidni ke Cancer mein kaafi asaradaar saabit paai gayi hai. Novaartis ki glivek aur bhaarateeya companiyon dvaara banaai ja rahi isi dava ke daamon mein bhi bhaari antar hai. Jordaar svaagat novaartis ki dava glivek ke maamale mein Supreme court ke faisale ka vyaapak svaagat huaa hai. Indian medical association ke sekretari general Dr. Narendra saini ne ise ek aitihaasik faisala karaar dete hue kaha hai ki yah un dava companiyon ke liye ek bada sabak hai jo research ke naam par pablik ko loot rahi hain. Vah kehte hain ki adaalat ke is faisale se Bhaarat hi naheen, videshi logon ko bhi faayda hoga aur dava companiyon ki manamaani par rok lagegi. Dr. Saini ke mutaabik, desh mein kai dava companiyaan davaaon mein saalt mein herafer karke use apne braind name se manamaane rets par bechati hain. Sarkaar ko is par bhi najar rakhani chaahiye. Ol India kemists end drag distreebyootars federation ke adhyaksh Kailash gupta kehte hain ki dava companiyon ki manamaani sarkaar ki dhilaai ka nateeja hai. Agar sarkaar ne dava companiyon, khaastaur se maltinaishanal companiyon par lagaam lagaai hoti to desh mein davaaon ke daam manamaane tareeke se naheen badhte. Vah kehte hain ki sarkaar ko is baat ke sakht intajaam karne chaahiye ki koi bhi Doctor, chaahe vah niji sector ka ho ya sarkaari, dava ke saalt ka hi naam likhega, na ki braind name se dava likhega.

Pichhle Saal Bhi Hui Thi Ek Badi Pahal https://www.angrejinews.com/pic/4158