Pichhle Paanch Saal Mein Bhaarat Mein Kiye Gaye Kai Mahatvapoorn Sudhaar Aaiemaef

Business »

Pichhle Paanch Saal Mein Bhaarat Mein Kiye Gaye Kai Mahatvapoorn Sudhaar Aaiemaef

Washington, 22 March (bhaasha) antararaashtreeya mudraakosh (aaiemaef) ne kaha ki Bhaarat mein pichhle paanch saal ke dauraan kai mahatvapoorn sudhaar kiye gaye hain. Haalaanki usane kaha ki abhi aur sudhaar kiye jaane ki jaroorat hai. aaiemaef ke nideshak (sanchaar) Gary Rice ne yahaan bruhaspativaar ko ek savaal ke javaab mein kaha, ''Bhaarat pichhle paanch saal ke dauraan kareeb saat pratishat ki saalaana ausat aarthik vruddhi dar ke saath sabse teji se vruddhi karti badi arthavyavasthaaon se ek raha hai. '' unhonne kaha, ''Kai mahatvapoorn sudhaar kiye gaye hain aur hamein lagta hai ki Bhaarat ko tej vruddhi banaaye rakhane ke liye upalabdh janasaankhyikeeya laabhaansh ke avsaron ko bhunaane samet kuchh anya sudhaar karne honge. '' Rice ne kaha ki agale maheene vishvabaink ke saath aaiemaeef ki hone waali baithak se pehle vaishvik aarthik paridrushya sarvekshan jaari hoga. Unhonne kaha ki bhaarateeya arthavyavastha ke baare mein sarvekshan mein vistaar se jaankaari di jaaegi. yeh bhaarateeya ameriki arthashaastri geeta gopeenaath ke netrutv mein pehla sarvekshan hoga. Gopeenaath ko pichhle saal aaiemaef ne mukhya arthashaastri banaaya tha.

Pichhle Paanch Saal Mein Bhaarat Mein Kiye Gaye Kai Mahatvapoorn Sudhaar Aaiemaef https://www.angrejinews.com/pic/262693