Pichhle Chaar Saal Mein Ghar Khareedna Hua Mahanga Reserve Bank Sarve

Business »

Pichhle Chaar Saal Mein Ghar Khareedna Hua Mahanga  Reserve Bank Sarve

Mumbai, 11 July (bhaasha) pichhle chaar varshon ke dauraan khareedaaron ke liye ghar khareedna kaafi mushkil ho gaya hai. Bhaarateeya reserve bank ke ek sarve mein kaha gaya hai ki is dauraan ghar logon ki pahunch se door hue hain. Mumbai mein ghar khareedaaron ki pahunch se sabse adhik door hue hain. reserve bank July, 2010 se timaahi aadhaar par 13 shaharon mein chuninda bankon aur aavaas vitt companiyon dvaara diye gaye aavaas rin par aavaaseeya sampatti moolya nigraani sarve (aaraepeeemaes) kar raha hai. reserve bank ne bruhaspativaar ko sarve jaari karte hue kaha, ''Pichhle chaar saal mein ghar logon ki pahunch se door hue hain. Is dauraan aavaas moolya se aay (echapeeteeaai) anupaat March, 2015 ke 56.1 se badhkar March, 2016 mein 61.5 ho gaya hai. Yaani aay ki tulana mein makaanon ki keemat badhi hai. vibhinn shaharon ki baat ki jaae, to Mumbai mein ghar khareedna sabse mushkil aur bhuvaneshvar mein sabse aasaan hai. sarve kehta hai ki is dauraan ausat rin se aay (elateeaai) anupaat bhi March, 2015 ke 3 se March, 2019 mein 3.4 ho gaya hai jo ghar ke logon ki pahunch se door hone ki pushti karta hai. sarve mein kaha gaya hai ki ausat rin se moolya (elateevi) anupaat 67.7 se 69.6 pratishat ho gaya hai jo darshaata hai ki bank ab adhik jokhim uthaane lage hain. elateevi se taatparya aavaas rin par rin jokhim se hai. sarve mein ek anya nishkarsh yeh nikaala gaya hai ki ausat EMI se aay (iteeaai) anupaat pichhle do saal ke dauraan kamobesh sthir bana hua hai. Yeh rin ki paatrata ke baare mein bataata hai. haalaanki, anya shaharon ki tulana mein Mumbai, Pune aur Ahmedabad ne adhik ooncha ausat iteeaai darj kiya. yeh adhyayan Mumbai, chennai, Delhi, Bengaluru, Hyderabad, Kolkata, Pune, Jaipur, Chandigarh, Ahmedabad, Lucknow, Bhopal aur bhuvaneshvar mein kiya gaya.

Pichhle Chaar Saal Mein Ghar Khareedna Hua Mahanga Reserve Bank Sarve https://www.angrejinews.com/pic/286145