Pichhle 10 Saal Mein Maunasoon Kabhi Bahut Kam Hui Baarish To Kabhi Baadh Ka Kahar

India »

Pichhle 10 Saal Mein Maunasoon Kabhi Bahut Kam Hui Baarish To Kabhi Baadh Ka Kahar

Nai Delhi Mausam vibhaag ne is saal maunasoon saamaanya rahane ka anumaan jataaya hai. Pichhle 1 dashak mein maunasoon kamobesh kamjor hi raha hai. 2009 se pichhle saal tak maunasoon kuchh 6-7 sab-divijn mein kamjor raha hai. Haalaanki, iska ek aur pahaloo bhi hai ki Bhaarat ke 2 sabse sookhe kshetron mein baarish apekshaakrut achhi hui. Pichhle 10 saal mein aisa raha hai haal Agar anumaan ke 96% se 104% tak baarish ho to ise ausat maana jaata hai. 104% se 110% tak baarish ho to ise ausat se adhik maana jaata hai aur 90 se 96% tak baarish hui to ise saamaanya se kam aur 90% se bhi kam baarish ho to ise sookhe ki shreni mein rakha jaata hai. 2009 mein hui thi sabse kam baarish Maunasoon ke lihaaj se 2009 sabse bura saal raha aur 23 sab-divijn aise rahe jinhein sookhe ki shreni mein rakha gaya. 2010 mein badle haalaat 2010 mein pichhle saal ki tulana mein sthiti sanbhali aur 14 kshetron mein ausat se adhik baarish darj ki gayi. 2011 mein achhi baarish 2011 bhi maunasoon ke lihaaj se theek saal raha aur desh ke jyaadaatar hisson mein ausat ka aankada record kiya gaya, lekin North East mein baarish se kaafi baarish hui. Padhein: Is saal saamaanya rahega maunasoon, kisaanon ke liye faayademand 2012 mein andamaan-nikobaar mein adhik baarish Maunasoon ke lihaaj se 2012 ka saal kaafi kharaab raha 13 sab-divijn kshetron mein sookha pada. Poore desh mein sirf andamaan aur nikobaar hi aise kshetr the jahaan ausat se adhik baarish record ki gayi. 2013 mein 14 kshetron mein jamkar hui baarish 2013 mein maunasoon majaboot raha aur 14 kshetron mein ausat se adhik baarish record ki gayi. 2014 mein 11 kshetron mein sookha 2014 mein 11 kshetron mein sookha pada aur North East mein saamaanya baarish hui. Haalaanki, desh ke baaki hisson mein maunasoon saamaanya raha. 2015 mein sthiti aur bigdi 2015 mein maunasoon kai hisson mein bahut kamjor raha. 17 sab-divijn kshetron mein baarish ausat se kam rahi, jabki Rajasthan mein yeh saamaanya se jyaada rahi. Pashchimi tateeya kshetr is saal baarish se buri tarah prabhaavit hue. 2016 mein 4 kshetron mein adhik baarish 2016 maunasoon ke lihaaj se achha saal raha aur is saal sirf 4 kshetron mein saamaanya se kam baarish hui. 2017 raha mila-jula saal 2016 maunasoon ke lihaaj se mila jula saal raha. 5 sab-divijn mein bahut baarish hui jabki 6 mein sookhe ka kahar raha. Madhya Bhaarat ke 6 pradeshon mein sookhe ka sabse adhik asar raha. 2018 mein haalaat bahut bigad gaye 2018 maunasoon ke lihaaj se sabse kharaab saal raha. 12 kshetron mein bahut kam baarish hui aur vahaan sookhe ka asar dekhne ko mila. 2014 se 2018 tak aisa raha haal Vidarbh mein sirf 2 saal hui kam baarish Kisaanon ki aatmahatya ke liye aksar khabaron mein bane rahanevaale Vidarbh kshetr mein pichhle 10 saal mein sirf 2 saal hi aise rahe jahaan saamaanya se kam baarish hui. Haalaanki, paas ke maraathavaada mein maunasoon ne jyaada berukhi dikhaai. Konkan-Goa mein 4 saal bahut baarish Konkan aur Goa kshetr mein 10 mein se 4 saal aise rahe jab baarish bahut adhik hui. Is vajah se in ilaakon mein baadh ka sankat lagaataar bana raha khaas taur par Mumbai mein.

Pichhle 10 Saal Mein Maunasoon Kabhi Bahut Kam Hui Baarish To Kabhi Baadh Ka Kahar https://www.angrejinews.com/pic/268219