Petronet LNG Ka Shuddh Laabh Chauthi Timaahi Mein 16 Pratishat Ghata

Business »

Petronet LNG Ka Shuddh Laabh Chauthi Timaahi Mein 16 Pratishat Ghata

Nayi Delhi, 15 May (bhaasha) desh ki sabse badi gas aayaatak company petronet LNG limited ko samaapt vitt varsh 2018- 19 ki chauthi timaahi mein 440 karod rupaye ka shuddh laabh hua. Usaka yeh munaafa ek saal pehle isi avadhi ke munaafe se 16 pratishat kam raha. Petronet LNG ke prabandh nideshak aur CEO prabhaat Singh ne yahaan samvaadadaataaon se kaha ki January- March 2019 ki timaahi mein company ka shuddh laabh 440 karod rupaye raha jo ki ek saal pehle isi avadhi mein 523 karod rupaye raha tha. unhonne kaha, ''Hamein bhandaar mein rakhe maal ke moolyaankan mein nuksaan hua. Is dauraan antararaashtreeya baajaar mein LNG ka daam 8.5 dollar prati das lakh british tharmal unit (emabeeteeyoo) se chauthi timaahi ki shuruaat mein 4.3 dollar prati emabeeteeyoo par aa gaya. '' prabhaat Singh ne kaha ki lekha maanakon ke mutaabik bhandaar mein rakhe maal ka moolyaankan maujooda baajaar moolyon ke mutaabik lagaaya jaayega isaliye company ko aise maal par 119 karod rupaye ka anumaanit nuksaan hua. unhonne kaha ki bhandaar mein rakhe maal par huye nuksaan ko chhodkar kul milaakar company ke liye ''Timaahi bahut achhi'' rahi.

Petronet LNG Ka Shuddh Laabh Chauthi Timaahi Mein 16 Pratishat Ghata https://www.angrejinews.com/pic/274811