Petrol Ek Rupaye Prati Liter Sasta

Business »

Petrol Ek Rupaye Prati Liter Sasta

Nai Delhi. . Antarraashtreeya baajaar mein tel ki keematon mein lagaataar narami ke beech desh mein petrol somvaar aadhi raat se ek rupaye prati liter aur sasta kar diya gaya gaya hai. Ek maheene mein petrol ke daam mein yah teesari kami hai. Ek rupaye ki is katauti mein vait shaamil naheen hai. Yadi vait ki bhi ismein ganana ki jaae to Delhi mein petrol ki keemat mein 1.20 rupaye liter katauti hogi. Is kami ke baad Delhi mein petrol ka daam 66.09 rupaye liter rah jaaega. Is beech sarkaari tel companiyon ne diesel ke daam mein koi badhotri naheen ki. Sarkaari faisale ke anusaar, diesel ke daam har maheene 40-50 paise prati liter badhaae jaane hain aur is yojana ke anusaar yah vruddhi somvaar ko ki ja sakti thi. Petrol ke daam mein isse pehle 2 April ko 85 paise liter ki katauti ki gayi. Usase pehle 16 March ko petrol ke daam do rupaye liter ghataaye gaye the. Us vakt Delhi mein vait sahit iske daam 2.40 rupaye liter kam hue the. Taaja katauti ke baad Mumbai mein petrol ka daam vait sahit 1.26 rupaye kam hokar 72.88 rupaye, chennai mein bhi itni hi giraavat ke saath 69.08 rupaye aur Kolkata mein yah 74.72 se ghatkar 73.38 rupaye prati liter rah jaaega. Petrolium padaarthon ki bikri karne waali saarvajanik kshetr ki sabse badi company Indian Oil kaurporeshan ne kaha ki pichhli baar daam ghataate samay antararaashtreeya baajaar mein kachche tel ke daam 119.23 dollar par the jo ki ab ghatkar 116.61 dollar prati barrel rah gaye. Haalaanki is dauraan dollar-rupaye ki vinimay dar maamooli 54.28 rupaye se ghatkar 54.51 rupaye prati dollar ho gayi. Company ne ghate daam ka laabh kanjyoomar ko dene ka faisala kiya. Company ne kaha ki use diesel par is samay 6.48 rupaye prati liter ka nuksaan ho raha hai. Haalaanki company ne yah naheen bataaya ki usane January ke sarkaar ke faisale ke anusaar diesel ke daam mein maasik vruddhi kyon naheen ki.

Petrol Ek Rupaye Prati Liter Sasta https://www.angrejinews.com/pic/5628