Petrol Aur Gair Subsidy Vaale Silindar Ke Daam Ghate

Business »

Petrol Aur Gair Subsidy Vaale Silindar Ke Daam Ghate

Nai Delhi. . Kamaratod mahangaai ke beech somvaar ko thodi raahat ki khabar I. Indian oil kaurporeshan (aaiosi) ne petrol ke daam 85 paise prati liter ghataae hain. Keematon mein katauti mein vait shaamil naheen hai. Nai keematein aadhi raat se laagoo hongi. Isse pehle, 15 March ko oil maarketing companiyon ne petrol ki keematon mein 2 rupaye prati liter ki katauti ki thi. Somvaar se hi gair subsidy vaale rasoi gas (LPG) ke silindar ki keemat bhi teen rupae ghata di gayi hai. Aaiosi ke mutaabik, intaranaishanal market mein keematon mein giraavat ki vajah yah kadam uthaaya hai. Aaiosi ke mutaabik 14.2 kilogram vaale gair subsidy praapt silindar ki keemat ab 901.50 rupae ho gayi hai. Sarkaar ki nai subsidy yojana mein graahakon ko ek saal mein adhiktam 9 silindar par subsidy di jaati hai. Uske baad unhein oonchi keemat par gas khareedani padti hai. Intaranaishanal market mein kachche tel ki keematon mein narami ke saath 01 March ko gas silindar ki keemat 904.50 rupae kar di gayi thi. Somvaar ko ismein aur teen rupae ki katauti ki gayi. Ab nai keemat 901.50 rupae ho gayi hai. Mumbai mein gair subsidy vaale cylinderon ki keemat 912 rupae hogi jo pichhle maheene tak 919.50 rupae thi. Kolkata mein keemat 6.50 rupae ghatkar 926.50 rupae aur chennai mein keemat 898 se ghatkar 891.50 rupae ho gayi hai. Sootron ne bataaya ki subsidy vaale LPG ki bikri se companiyon ko haane waali raajasv haani prati silindar 434.50 rupae ho gayi hai jo pehle 439 rupae thi. Sarkaar ne pichhle saal September mein saal bhar mein chhah subsidy praapt silindar dene ka faisala kiya tha. January mein saal bhar mein milne vaale subsidy vaale cylinderon ki sankhya badhaakar nau kar di gayi. Isse jyaada silindar market rate par mileinge. September ke faisale ke baad pablik sector ki tel companiyon ne 01 November se gair subsidy vaale cylinderon ki keemat mein 26.50 rupae ki badhotri ki thi. Companiyon ko yah faisala kuchh ghanton ke andar hi vaapas lena pada kyonki subsidy vaale cylinderon ki sankhya chhah tak seemit karne ke maamale mein pehle se hi aalochna jhel rahi sarkaar aur fajeehat naheen karavaana chaahati thi. Lekin January mein 410.50 rupae vaale subsidy vaale cylinderon ki aapoorti sankhya chhah se badhaakar nau karne ke baad 18 January se gair subsidy vaale cylinderon ki keemat Delhi mein 46.50 rupae badhaakar 942 rupae kar di gayi thi.

Petrol Aur Gair Subsidy Vaale Silindar Ke Daam Ghate https://www.angrejinews.com/pic/4083