Petrol 3 Rupaye Sasta, Paanch Saal Mein Sabse Badi Katauti

Business »

Petrol 3 Rupaye Sasta, Paanch Saal Mein Sabse Badi Katauti

nai Delhi. . Mahangaai se pareshaan aam aadmi ke liye raahat bhari khabar hai. Petrol ke daam mein mangalvaar ko 3 rupaye prati liter ki katauti ki gayi hai. Pichhle paanch saal mein petrol ke daam mein yah sabse badi ekamusht katauti hui hai. March ke baad petrol ki keematon mein yah chauthi katauti hai. Isse Delhi mein petrol mangalvaar aadhi raat se 63.09 rupaye prati liter par upalabdh hoga. Abhi daam 66.09 rupaye prati liter hai. Petrol ke daam sthaaneeya bikri kar ya vait ke aadhaar par alag-alag shaharon mein bhinn honge. Teen rupaye ki katauti Delhi mein vait sahit hai. Mumbai mein petrol ke daam 3.15 rupaye ghatkar 69.73 rupaye prati liter, jabki Kolkata mein yah 73.48 rupaye ke bajaay 70.35 rupaye prati liter ke daam mein par upalabdh hoga. Vaheen chennai mein daam mein 3.18 rupaye ghatkar 65.90 rupaye prati liter honge. Antararaashtreeya baajaar mein kachche tel ki keematon mein giraavat ke maddenajar petrol ke daam mein aaj ki gayi katauti se pehle lagaataar teen baar katauti ki ja chuki hai. Saarvajanik kshetr ki petrolium companiyaan har pakhavaade daron mein sanshodhan karti hain.

Petrol 3 Rupaye Sasta, Paanch Saal Mein Sabse Badi Katauti https://www.angrejinews.com/pic/7230