Petrol 3 Rupae Sasta, Bina Subsidy Ke Silindar Mein 54 Rupae Ki Katauti

Business »

Petrol 3 Rupae Sasta, Bina Subsidy Ke Silindar Mein 54 Rupae Ki Katauti

nai Delhi. . Petrol ki keemat mein teen rupae ki kami aur bina subsidy vaale silindar 54 rupae saste hone ki khabar se aam aadmi ko raahat mahasoos hui hai. Keematein aadhi raat se laagoo ho chuki hain. Isse pehle 1 April ko antararaashtreeya keematon mein kami ko dekhte hue bina subsidy vaale cylinderon ki keemat mein 3 rupae ki katauti ki gayi thi. Sarkaar ne September 2012 mein LPG ke subsidy silindar par kota laagoo kar diya tha. Upabhokta ko ek saal ki samayaavadhi mein 6 subsidy silindar hi milne ke naya niyam laagoo huaa. January mein is tay seema ko badhaakar 9 kar diya gaya. Isse adhik ki jaroorat par upabhokta ko baajaar keemat deni padti hai. September ke faisale ke turant baad hi, companiyon ne 1 November se bina subsidy vaale cylinderon ki keemat mein 26.50 rupae ka ijaafa kiya lekin iske kuchh hi ghanto mein ise rolabaik karna pada kyonki sarkaar upabhoktaaon par atirikt bhaar naheen daalna chaahati thi. Subsidy vaale 9 LPG silindar jahaan 410.50 rupae mein mil rahe the vaheen 18 January se bina subsidy vaale cylinderon ki keemat mein 46.50 rupae ka ijaafa kar diya gaya jisse yah Delhi mein 942 rupae par aa pahuncha. 1 March ko katauti ke baad yah 904.50 aur 1 April ko 901.50 rupae par aa pahuncha. Vaheen, petrol ke daam mein mangalvaar ko 3 rupaye prati liter ki katauti ki gayi hai. Pichhle paanch saal mein petrol ke daam mein yah sabse badi ekamusht katauti hui hai. March ke baad petrol ki keematon mein yah chauthi katauti hai. Isse Delhi mein petrol mangalvaar aadhi raat se 63.09 rupaye prati liter par upalabdh hoga. Abhi daam 66.09 rupaye prati liter hai. Petrol ke daam sthaaneeya bikri kar ya vait ke aadhaar par alag-alag shaharon mein bhinn honge. Teen rupaye ki katauti Delhi mein vait sahit hai. Mumbai mein petrol ke daam 3.15 rupaye ghatkar 69.73 rupaye prati liter, jabki Kolkata mein yah 73.48 rupaye ke bajaay 70.35 rupaye prati liter ke daam mein par upalabdh hoga. Vaheen chennai mein daam mein 3.18 rupaye ghatkar 65.90 rupaye prati liter honge.

Petrol 3 Rupae Sasta, Bina Subsidy Ke Silindar Mein 54 Rupae Ki Katauti https://www.angrejinews.com/pic/7243