Peshaavar Visfot Mein Nau Logon Ki Maut

World »

Peshaavar Visfot Mein Nau Logon Ki Maut

Islamabad . . Pakistan ke pashchimottar shahar peshaavar ke baahari ilaake mein ek mini bas mein visfot mein nau logon ki maut ho gayi aur 15 log ghaayal ho gaye. Police adhikaariyon ne bataaya ki visfotak mini bas ke bheetar rakha huaa tha. Shanivaar dopahar jab bas mattaani ke baajaar se gujar rahi thi usi vakt visfot huaa. Ek mahila sahit saat logon ki mauke par hi maut ho gayi jabki do logon ne aspataal mein ilaaj ke dauraan dam tod diya. Adhikaariyon ne bataaya ki do mahilaaon aur ek bachche sahit 15 ghaayalon ko paas ke aspataal mein le jaaya gaya hai. Visfot ke vakt mini bas mein kareeb 20 log savaar the. TV par dikhaae ja rahe footage ke anusaar, mineebas ke parakhachche ud gaye hain. Aaspaas ki kai dukaanon ko bhi kshati pahunchi hai. Visfot ke baad baajaar band kar diya gaya. Police ne bataaya ki bam mein kam se kam paanch kilogram visfotak ka upayog kiya gaya tha. Suraksha balon ne ilaake ki gheraabandi kar di hai. Mineebas mein aur visfotak hone ki aashanka ke kaaran logon ko uske paas naheen jaane diya ja raha hai. Abhi tak kisi samooh ne hamle ki jaankaari naheen li hai. Pakistan mein aksar aise visfot tahareek-A-taalibaan Pakistan dvaara kiye jaate hain.

Peshaavar Visfot Mein Nau Logon Ki Maut https://www.angrejinews.com/pic/5461