Pehle Do Test Ke Saamaan Hongi Paristhatiyaan Clark

Cricket » Tuesday, March 26, 2013

Mohali. . Australiaee kaptaan Michael Clark ne Budhvaar ko sveekaar kiya ki guruvaar se teesare cricket test ki mejabaani karne vaale PCA stadium ki paristhitiyaan kaafi had tak vaisi hi hogi jaise haalaat ka saamana unhein chaar test ki series ke pehle do maichon mein karna pada. Chennai aur Hyderabad mein shikast ke baad 0-2 se pichhad rahi Australiaee team kuchh din pehle pitch dekhkar kaafi khush hui thi kyonki is par ghaas thi. Lekin pichhle kuchh din mein pitch ki saari ghaas kaat di gayi hai. Clark ne kaha, 'Mainne mangalvaar ko wicket dekhi thi, aaj mainne wicket naheen dekhi. Ismein haalaanki kaafi badlaav naheen aaya hoga. Kaatne ke liye kaafi ghaas naheen hai aur paristhitiyaan pichhle do test ke samaan hi hone waali hain. ' pichhle kuchh dinon se yahaan ki pitch charcha ka vishay bani hui hai. Mohali ki pitch paaramparik taur par jeevant hoti hai lekin Clark ne kaha ki is baar alag tarah ki pitch dekhkar vah hairaan naheen hain. Unhonne kaha, 'Yah bilkul bhi hairaani bhara naheen hai. Main pehle bhi Mohali mein khela hoon lekin antararaashtreeya cricket mein aisa hota rahata hai. ' Clark ne kaha, 'Ek sakaaraatmak paksh bhi hai ki ham pichhle do maichon mein isi tarah ke wicket par khele hai aur anubhav se seekha hai. '