Pehle Bhi SP Office Aa Chuki Thi Mahila

India »

Pehle Bhi SP Office Aa Chuki Thi Mahila

enabeeti news . Kurukshetr karanaal mein SP office ke baahar guruvaar ko jahar khaakar jaan dene ki koshish karne waali mahila pehle bhi kai baar police ka darvaaja khatakhata chuki thi. Use nyaaya naheen mila to hataash hokar usane jaane dene ki koshish ki. Mahila ko ab hosh aa chuka hai aur maijistret ke saamane usaka bayaan bhi liya gaya hai. Is maamale mein police ka kehna hai ki 28 February ko is mahila ne SP shashaank aanand ke samaksh pesh hokar apne pati ke khilaaf shikaayat ki thi. Is par mahila sanrakshan evam baal vivaah nishedh adhikaari savita raana ko kaarravaai ka nirdesh diya gaya tha. Iske baad ek April ko pati patni donon ko kaaryaalaya mein bulaakar unke bayaan darj kiye gaye. Police ka kehna hai ki tab se is maamale ki jaanch ki ja rahi thi. Is beech, mahila ke pati jatin ne 22 March ko ek shikaayat mahila prakosht mein di ki usaki patni ne uske saath dhokhe se vivaah rachaaya hai. Iske baad 2 April ko pati patni donon ki shikaayat ko jaanch ke liye mahila sanrakshan evam baal vivaah nishedh adhikaari ke paas bheja gaya. Isi jaanch ke sambandh mein pata karne ke liye mahila police office I thi. Lekin mahila sanrakshan evam baal vivaah nishedh adhikaari savita raana do din ki training par police academy madhuban gayi hui theen. Is kaaran peedit mahila jaanch adhikaari se naheen mil saki aur usane jahar kha liya. Police ka kehna hai ki peedita ka pati karanaal ke hi ek bank mein sevaarat hai aur 9 April se ghar se laapata hai. Peedita ab apni 6 saal ki bachchi ke saath karanaal mein hi kiraae ke makaan mein rah rahi thi.

Pehle Bhi SP Office Aa Chuki Thi Mahila https://www.angrejinews.com/pic/5411