Peeesaelavi Si 23 Ki Ulti Ginti Shuroo, Somvaar Ko Prakshepan Ke Dauraan PM Bhi Raheinge Maujood

Breaking » Saturday, June 28, 2014

Shreeharikota: shreeharikota prakshepan kendra se somvaar ko chhode jaane vaale dhruveeya upagrah prakshepan yaan peeesaelavi si 23 ki ulti ginti shuroo ho gayi hai. Kareeb 49 ghante ki ulti ginti ke baad 30 June ko subah 9 bajkar 52 minute par ise antariksh mein chhoda jaaega. is yaan ke jariye paanch saitelaait antariksh mein bheje jaaenge, jinmein sabse bada aur aham saitelaait hai spaut−7, jo France ka hai. Iske alaava Canada, Germany va Singapore ke chaar anya upagrahon ko antariksh mein pahunchaaya jaaega. bhaarateeya antariksh anusandhaan sangathan (isaro) ne shukravaar shaam jaari bayaan mein kaha ki prakshepan anumati board (lab) ne shreeharikota mein apni baithak mein peeesaelavi si 23 ke prakshepan ko sveekruti pradaan ki. Ismein kaha gaya ki pehle is upagrah yaan ka prakshepan 30 June ko subah 9: 49 baje kiya jaana tha, par ab ise 9: 52 par chhoda jaaega. pradhaanamantri Narendra Modi shreeharikota mein sateesh dhavan antariksh kendra se is prakshepan ko dekhne ke liye vahaan upasthit raheinge. Yeh kendra chennai se kareeb 100 kilometer door hai. Isaro ab tak 35 videshi upagrahon ka prakshepan kar chuka hai. (input bhaasha se bhi)