Peedita Ki Arji Par Kuriyan Ko Notice Jaari

Breaking »

Peedita Ki Arji Par Kuriyan Ko Notice Jaari

Idukki. . Kerala ke charchit sooryanelli yaun utpeedn maamale ki peedita ki arji par jila adaalat ne Budhvaar ko raajya sabha ke up sabhaapati pi. J. Kuriyan va Kerala sarkaar samet chaar anya ko notice jaari karne ka aadesh diya. Idukki adaalat ne maamale ki agali sunavaai 29 May tay karte hue jin logon ko notice jaari kiya, unhein us din haajir rahane ka aadesh diya hai. Is maheene ke shuroo mein nichli adaalat mein arji sveekaar naheen hone ke baad peedita ne jila adaalat se guhaar lagaai. Peedita ne is maamale ki pun: Jaanch ki maang ki thi. Peerumedu pratham shreni dandaadhikaari ki adaalat ne 2 March ko ullekh kiya tha ki yah adaalat is maamale par pehle vichaar kar chuki hai, isliye yah is par dobaara sunavaai naheen kar sakti. Is maamale ke aaropiyon ki soochi mein kuriyan ka naam kabhi naheen aaya. Ek vishesh adaalat ne is maamale mein 42 logon ko doshi thaharaaya tha. Peedita ne idukki ki adaalat mein niji shikaayat pesh kar daava kiya tha ki kuriyan ne usaka yaun shoshan kiya tha. Gyaat ho ki idukki jile ke sooryanelli mein January 1996 mein 16 saal ki ek kishori ka ek bas conductor ne apaharan kar liya aur use 45 dinon tak bandhak bana kar 42 logon ne yaun shoshan kiya tha. Kerala uchch nyaayaalaya ne 2005 mein nichli adaalat ke faisale ko khaarij karte hue ek aaropi ko chhod shesh ko bari kar diya tha. Uchch nyaayaalaya ke is faisale ko peedita ne sarvochch nyaayaalaya mein chunauti di jahaan se maamale ki dobaara sunavaai ke aadesh diye gaye hain.

Peedita Ki Arji Par Kuriyan Ko Notice Jaari https://www.angrejinews.com/pic/3633