Peedit Mahila Ka Bayaan Darj, Aaropi Giraftaar

India »

Peedit Mahila Ka Bayaan Darj, Aaropi Giraftaar

enabeeti news . Mathura Budhvaar raat ghar ke baahar so rahi maan-beti par hue esid ataik mein mahila ki aankhon ki roshani ja chuki hai. Mahila ka ilaaj Delhi ke Safdarjung aspataal mein chal raha hai. Shukravaar der shaam police ne peedit mahila ke bayaan darj kiye. Vaheen, peedit parivaar ki kharaab aarthik sthiti ko dekhte hue gaanv vaalon ne maan-beti ke ilaaj ke liye kareeb ek lakh rupaye ka chanda jama kiya hai. Bata dein ki thaana sureer kshetr ke gaanv jaraara mein saudaan Singh ki 35 varsheeya beti sudha apne chaar bachchon ke saath maayake mein hi rahati hai. Parijanon ke mutaabik, 18 saal pehle sudha ki shaadi bulandashahar ke gaanv dhatoori nivaasi momaraaj Singh ke saath hui thi. 10 varsh poorv sudha ke pati ki maut ho gayi, jiske baad saas-sasur ka bhi dehaant ho gaya. Vahaan akeli hone par sudha apni beti neenoo (15), judva beta 12 varsheeya raajesh va bhola aur 10 varsheeya beti mamata urf kallo ko lekar apne maayake gaanv jaraara aakar rahane lagi. Budhvaar raat sudha ghar ke baahar chaarapaai par so rahi thi. Uske paas chhoti beti mamata (kallo) bhi so rahi thi. Raat mein kisi ne sudha ke oopar tejaab daal diya, jisse usaka chehara aur seena buri tarah jhulas gaya. Tejaab ke kuchh chheente paas mein so rahi bachchi par bhi pade aur vah bhi jhulas gayi. Gaanv ke logon ne donon ko Mathura jila aspataal pahanuchaaya, jahaan se doctoron ne unhein esaen medical college Agra refar kar diya. Esaen ke doctoron ne bataaya ki mahila ki donon aankhon ko kaafi nuksaan huaa hai. Vahaan bhi mahila ki sthiti mein sudhaar naheen hote dekh doctoron ne use Delhi sthit Safdarjung aspataal refar kar diya. Bayaan darj karne Delhi gaye SI raajabahaadur Singh ko mahila ne bataaya ki gaanv ke hi raaja urf raajaaraam saarasvat ne us par tejaab daala tha. Sudha ne bataaya ki kuchh din poorv raaja aur usaka vivaad huaa tha, tab raaja ne use dhamaki di thi ki vah use munh dikhaane laayak naheen chhodega. Isse poorv peedita ke Baba dharm Singh ki tahareer par police ne raaja urf raajaaraam ko hiraasat mein le liya tha. Mahila ke bayaan darj hone ke baad police ne aaropi ko giraftaar kar jail bhej diya hai. Thaanaadhyaksh sureer vaheed Ahmad ne bataaya ki raaja ka mahila ke yahaan pehle se aana-jaana tha.

Peedit Mahila Ka Bayaan Darj, Aaropi Giraftaar https://www.angrejinews.com/pic/5488