Patni Ne Ki Pitaai, Mantri Ne Maanga Divaurs

Breaking » Monday, April 1, 2013

Tiruvanantapuram. . Aiktar se raajaneta bane Kerala ke van mantri ke. Bi. Ganesh Kumar ne apni patni par peetane ka aarop lagaate hue court mein talaak ki arji di hai. Haalaanki unki patni ne khud hi ghareloo hinsa ki shikaayat ki hai. Kumar ki patni yaamini ne kaha ki 'Avaidh sambandhon' par savaal karne par vah pichhle kai saalon se ghareloo hinsa ki shikaar rahi hain. Patni dvaara aarop lagaane se kuchh ghante pehle Kumar ne ek faimili court mein divaurs ki yaachika daayar kar patni par blaikamel karne aur unase durvyavahaar karne ka aarop lagaaya tha. Kumar ne somvaar ko court mein divaurs ki arji dekar aarop lagaaya ki unki patni ne unke niji sahayogi ke saamane pitaai ki. Bakaul yaamini pati ke 'Avaidh sambandhon' par savaal karne par vah pichhle 16 saal se ghareloo hinsa ki shikaar rahi hain. Yaamini apni baatein bataate hue ro padeen aur unhonne samvaadadaataaon se kaha ki unhein mukhyamantri oman chaandi se bhi nyaaya naheen mila jabki chaandi ne is vivaad ko sulajhaane ka vaada kiya tha. Do bachchon ki maan yaamini ne kaha, 'Mainne kya galat kiya hai? Vah mujhe badnaam kyon kar rahe hain? Ab cheejein is star par pahunch gayi hain ki peedit aaropit ban gayi hai. ' is beech Kumar ke pita aur Kerala Congress-bi ke Chairman aar. Balkrishnan pillai ne somvaar ko mukhyamantri se is maang ko doharaaya ki party ke aadeshon ka paalan naheen karne par ganesh Kumar ko mantrimandal se baahar kiya jaana chaahiye.