Patni Ne Ki Bevafaai To Maar Di Goli

India »

Patni Ne Ki Bevafaai To Maar Di Goli

ek samvaadadaata . Bulandashahar dost ke saath aapattijanak sthiti mein dekhne par pati ne kathit roop se patni ki goli maarkar hatya kar di. Vaaradaat ke baad patni ki laash ko khet mein feink diya. Police ne aaropi pati ko giraftaar kar liya hai. Aaropi pati ka kehna hai ki use patni ki hatya karne ka koi afsos naheen hai. Ghatna 17 March ki hai. Giraftaar yuvak vikraant ne SSP ko bataaya ki vah simbhaavali ke gaanv kuraana ka rahane vaala hai aur usaki shaadi 6 saal pehle pooja ke saath hui thi. Samay ke saath uske 2 bachche hue. Kuchh din pehle usane apne dost ke saath pooja ko aapattijanak sthiti mein dekh liya tha. Isse aahat hokar usane 17 March ki raat ko pooja ki goli maarkar hatya kar li aur uske shav ko bori mein band karke 30 kilometer door beebeenagar ke gaanv pota ke jungle mein feink diya. Is maamale mein police ne bataaya ki us samay mahila ki laash milne par postmortem ke baad usaka antim sanskaar kar diya gaya tha. Baad mein pooja ke parijanon ne beebeenagar thaane mein kapadon se usaki pehchaan ki thi. Parijanon ne maamale mein pooja ke pati ko shak ke aadhaar par naamajad karaaya tha. Udhar, vaaradaat ke baad se vikraant faraar chal raha tha aur uske donon bachche idhar-udhar bhatak rahe the. Police ne ravivaar ki subah aaropi ko haapud mein tol tax ke paas se giraftaar kar liya. Police ke saamane aaropi ne bejhijhk kaha ki use patni ki hatya ka koi pachhataava naheen hai. Usane kaha ki uske 2 chhote-chhote bachche hain, jo Bhagwan ke sahaare pal jaaenge.

Patni Ne Ki Bevafaai To Maar Di Goli https://www.angrejinews.com/pic/6354