Pati Ka Naam Lekar Ghar Mein Ghusa, Kiya Duraachaar

Breaking » Wednesday, April 17, 2013

Surendr Kumar jeend. . Gaanv aleva mein mangalvaar raat ek vyakti ne padosi ke ghar mein ghus gaya aur mahila ke saath duraachaar kiya. Peedit mahila ka saamaanya aspataal mein medical pareekshan karavaaya. Jahaan se mahila chikitsak ne sparm namoone lekar jaanch ke liye madhuban laibaretari bhej diye. Baad mein scene of crime team ne mauke se saakshyon ko jutaaya. Police ne peedit mahila ki shikaayat par ek vyakti ke khilaaf duraachaar karne ka maamala darj kiya hai. Police maamale ki chhaanabeen kar rahi hai. Gaanv aleva nivaasi ek 29 varsheeya mahila ne aleva thaana police ko di shikaayat mein bataaya ki mangalvaar raat ko usaka pati kaam se baahar gaya huaa tha. Ghar mein vah akeli thi. Der raat padosi santaraaj uske darvaaje par pahuncha aur mahila ke pati ka phone aane ki baat kahi. Jaise hi mahila ne darvaaja khola to santaraaj use ghaseetata huaa makaan ke andar le gaya aur uske saath duraachaar kiya. Shor machaane par use bura anjaam bhugatne ki dhamaki di gayi. Mahila dvaara shor machaae jaane par usaki saas tatha jethaani mauke par pahunch gayi. Jinhe dekhkar aaropi santaraaj faraar ho gaya. Ghatna ki soochana paakar aleva thaana prabhaari subhaash chandra scene of crime team ke saath mauke par pahunch gaye aur saakshyon ko jutaaya.