Pashchim Bengal Pedon Se Latakate Mile BJP Aur RSS Kaaryakartaaon Ke Shav

Breaking »

Pashchim Bengal Pedon Se Latakate Mile BJP Aur RSS Kaaryakartaaon Ke Shav

Kolkata Pashchim Bengal mein raajaneetik hinsa khatm hone ka naam naheen le rahi hai. Bhaarateeya janta party (BJP) jahaan hinsa ka aarop Trinamool Congress (TMC) par laga rahi hai, vaheen pashchim Bengal ki mukhyamantri aur TMC pramukh mamata Bannerjee in tamaam aaropon ko niraadhaar bataane mein lagi hain. Bengal mein somvaar ko fir se hatya ka maamala saamane aane ke baad siyaasi khemon mein hadkanp macha hua hai. Haavada ke aamata sthit sarapota gaanv mein BJP kaaryakarta samaatul dolui ka shav ped se latakate hue mila. Dolui ke parivaar aur BJP netaaon ne is ghatna ke peechhe Trinamool Congress ka haath bataaya hai. Haavada BJP ke adhyaksh anupam mulik ne kaha, 'Dolui BJP ka sakriya kaaryakarta tha aur usane apne booth mein Loksabha chunaav ke dauraan party ko badhat dilaai thi. 'Jaya shreeraam' railiyon mein shaamil hone ke chalte use lagaataar jaan se maarane ki dhamakiyaan bhi mil rahi theen. Chunaav ke turant baad Trinamool ke logon dvaara uske ghar par bhi todfod ki gayi thi. ' Padhein: Trinamool ke mantri ne amit shaah ko likhi chitthi Tainaat ki gayi aaraeef Dolui ke shav ko postmortem ke liye bheje jaane ke samay kuchh upadraviyon ne use chheenane ki koshish bhi ki. Is dauraan graameenon ne pradarshan bhi kiya. Haalaaton ko dekhkar jila prashaasan ki or se aaraeef tainaat ki gayi. Bata dein ki ravivaar ko raashtreeya swayamsevak sangh (RSS) ke kaaryakarta svadesh manna ka shav atachata gaanv mein ped se latakate hue mila tha. Manna ne bhi kuchh dinon poorv sthaaneeya star par 'Jaya shreeraam' rally nikaali thi. BJP ne TMC par lagaaya aarop Mulik ne aarop lagaaya, 'Donon maamalon mein, Trinamool Congress ke samarthakon ne hamaari party ke kaaryakartaaon ki hatya ki hai. ' is tarah ki vaaradaatein 2018 panchaayat chunaav ke vakt puruliya mein huin ghatnaaon ki yaad dilaati hain, tab BJP kaaryakarta khanbhon se latakate hue mile the. Lekin puruliya ke vipreet dolui ke shav par koi poster naheen chipka hua tha. Padhein: Mamata ki chetaavani, sarkaar asthir naheen karne doongi TMC ne sabhi aaropon ko kiya khaarij Trinamool vidhaayak pulak Roy ne in ghatnaaon mein party ke shaamil hone ki baat ko sire se khaarij kiya hai. Unhonne kaha, 'BJP hamein neecha dikhaana chaahati hai lekin hamaare kisi bhi kaaryakarta ka in ghatnaaon se sambandh naheen hai. ' udhar, doosari taraf sodepur mein hui ek anya ghatna mein do surakshaakarmiyon Rakesh das aur sujeet bisvaas ki lohe ke dande se pitaai ki gayi. Pitaai ka shak Trinamool trade union ving ke sandigdh sadasyon par hai. Kharadaha thaane mein Indian naishanal Trinamool trade union Congress ke chhah sadasyon ke khilaaf case darj kiya gaya hai. Hinsa ko lekar BJP ne kiya pradarshan BJP kaaryakartaaon ne haal hi mein sandeshakhali aur uttar 24 paragana mein hui hinsa ko lekar pradarshan kiya tha. Midnaapur ke keshiyaari mein pashchim Bengal BJP ke adhyaksh dileep ghosh ke netrutv mein party kaaryakartaaon ne hangaama kiya. Daraasal, jila prashaasan dvaara sandeshakhali tanaav ka havaala dete hue panchaayat board ke gathan ko rok diya gaya tha. Dileep ghosh ne kaha, 'Hamaare paas bahumat hai, iske baavajood hamein board ke gathan se rokane ki koshish ki gayi. ' Trinamool Congress ke mahaasachiv paarth chatarji ne daava kiya ki BJP aur uske workers TMC kaaryakartaaon aur police ko nishaana banaate hue saajish rach rahe hain. Padhein: Gruh mantraalaya ki adavaaijari par mamata sarkaar ka javaab Bam feinkakar shakhs ko utaara maut ke ghaat Ek report ke mutaabik, somvaar der raat bhaatapaara mein tab hinsa bhadak uthi jab chehara dhake hue ek shakhs ne desi bam chalaane shuroo kar diye. Is ghatna mein ek shakhs ki maut ho gayi jabki teen log gambhir roop se jakhmi ho gaye. Mohammad haleem (62) jo kiraane ki dukaan chalaate hain, unhonne shaup band hi ki thi aur apni patni se baat kar rahe the tabhi raat 11 baje kuchh logon ne un par bam feinke. Haleem ki BN Bose hauspitl le jaate vakt maut ho gayi. Haleem ki patni samet ghaayal hue teen anya ko ilaaj ke liye aspataal mein bharti karaaya gaya hai. TMC ka daava hai ki haleem unki party ke samarthak the aur aarop lagaaya ki is ghatna ke peechhe BJP ka haath hai. BJP ne is aarop ko khaarij kiya hai. Giriraaj Singh ne mamata ko bataaya kim jong un jaisa taanaashaahaX.

Pashchim Bengal Pedon Se Latakate Mile BJP Aur RSS Kaaryakartaaon Ke Shav https://www.angrejinews.com/pic/280484