Pashchim Bengal Mein Trinamool Kaaryakartaaon Ne Panchaayat Karmi Ka Kaan Kaata

India »

Pashchim Bengal Mein Trinamool Kaaryakartaaon Ne Panchaayat Karmi Ka Kaan Kaata

Kolkata: Pashchim Bengal ke murshidaabaad mein kathit taur par Trinamool Congress ke kaaryakartaaon dvaara ek panchaayat karmachaari ka kaan kaat diya gaya. Khabaron ke mutaabik yah karmachaari trade unionon ke Bhaarat band ke chalte kaam par naheen aaya tha, jisse Trinamool ke kaaryakarta naaraaj the. Use aspataal mein bharti karaaya gaya hai, jahaan usaki haalat gambhir bataai jaati hai. Trinamool kaaryakartaaon ne kathit taur par hajarat umar naamak is panchaayat karmi se poochha ki vah kaam par kyon naheen aaya tha. Jab usane kaha ki vah band ke chalte ghar par ruk gaya, to kaaryakartaaon ne us par hamla bol diya. Trinamool pramukh aur raajya ki mukhyamantri mamata Bannerjee ne jor dekar kaha tha ki raajya mein band ko safal naheen hone diya jaaega. Raajya mein band ke dauraan kaam par naheen aane vaale kai anya karmachaariyon ke saath jyaadati ki khabar hai. Murshidaabaad ke hi harihrapura mein ek school ke head master ko school naheen kholne ke chalte kathit taur peeta gaya. Maneendranaath bishvaas ka Trinamool kaaryakartaaon ne school ke baahar gheraav kiya aur use tab tak pareshaan karte rahe, jab vah behosh naheen ho gaye.

Pashchim Bengal Mein Trinamool Kaaryakartaaon Ne Panchaayat Karmi Ka Kaan Kaata https://www.angrejinews.com/pic/2476