Party Aakraamak Chunaavi Rananeeti Apanaae Modi

Breaking »

Party Aakraamak Chunaavi Rananeeti Apanaae Modi

Nai Delhi. . Ahmedabad mein BJP ke sthaapana diwas samaaroh mein shanivaar ko Congress aur Rahul Gandhi par 'Barasane' vaale Narendra Modi ne ravivaar ko Delhi mein BJP padaadhikaariyon ko chunaavi jeet ka mantra diya. Unhonne kaha ki party ko aagaami Loksabha chunaav mein jeet ke liye aakraamak chunaavi rananeeti apnaane ki jaroorat hai. Chunaavi mudde abhi hi tay kar lene honge. BJP ki raashtreeya kaaryakaarini ki ghoshana ke baad Delhi mein ravivaar ko team Rajnath ki pehli baithak hui. Is baithak mein party ke sheersh paadaadhikaariyon ne bhaag liya. Baithak mein Modi chhaae rahe. Adhyaksh Rajnath ki maujoodagi mein Modi ne party ke padaadhikaariyon ko na sirf sambodhit kiya, balki unhein chunaav mein jeet ka mantra bhi diya. Modi ne kaha ki log Congress se nafarat karne lage hain. Ve vikalp chaahate hain. Hamein abhi se hi chunaavi mudde tay kar lene honge. Saath hi unhonne party se aakraamak chunaavi ravaiya akhtiyaar karne ko kaha hai. Iske pehle Modi ne subah mukhyamantriyon aur mukhya nyaayaadheeshon ke ek sammelan mein shirkat ki. Gaurtalab hai ki 3 din pehle Congress upaadhyaksh Rahul Gandhi ne CII ke saalaana sammelan ko sambodhit karte hue Modi par ishaaron-ishaaron mein hamla kiya tha. Unhonne kaha tha ki desh ki samasyaaen door karne ke liye koi hero ki tarah ghode par baithakar naheen aaega. Unhonne desh ko ek madhumakkhi ke chhatte ki tarah bataate hue kaha tha ki desh ko aage le jaane ke liye mil-julakar kaam karna hoga. Modi ne shanivaar ko Ahmedabad mein party ke sthaapana diwas samaaroh mein Rahul ko iska javaab diya. Modi ne Rahul ka naam to naheen liya, lekin unke bayaan ka jikr karte hue kaha tha ki desh madhumakkhi ka chhatta naheen, maan hai.

Party Aakraamak Chunaavi Rananeeti Apanaae Modi https://www.angrejinews.com/pic/4749