Pant Ke Vishv Cup Team Mein Shaamil Naheen Hone Se Thoda Hairaan Hoon Gavaskar

Cricket »

Pant Ke Vishv Cup Team Mein Shaamil Naheen Hone Se Thoda Hairaan Hoon Gavaskar

Nayi Delhi, 15 April (bhaasha) poorv bhaarateeya kaptaan suneel Gavaskar ne somvaar ko kaha ki vah yuva wicket-keeper rishabh pant ke Bhaarat ki vishv cup team se baahar hone se hairaan hain kyonki vah kaafi 'Behatareen' ballebaaji firm mein hain aur uske viketakeeping kaushal mein kaafi sudhaar ho raha hai. taintees varsheeya dinesh kaartik ne Bhaarat ki vishv cup ke liye chuni gayi 15 sadasyeeya team mein doosare wicket-keeper ke sthaan par pant ko pachhaad diya hai. Vishv cup England mein 30 May se shuroo ho raha hai. Gavaskar ne kaha ki yeh kadam hairaani bhara hai lekin unhonne behtar wicket-keeper ke taur par kaartik ka samarthan kiya. Gavaskar ne 'India tude' se kaha, ''Pant ki firm ko dekhte hue yeh thoda hairaani bhara hai. Vah sirf IPL mein hi naheen balki isse pehle bhi kaafi behatareen ballebaaji kar raha tha. Vah viketakeeping mein bhi kaafi sudhaar dikha raha tha. Vah sheersh chhah mein baayein haath ka ballebaaji vikalp muhaiya karaata jo geindabaajon ke khilaaf kaafi achha hota. '' unhonne kaha, ''Geindabaajon ko baayein haath ke ballebaajon ke liye apni line evam leinth mein badlaav karna padta aur kaptaan ko maidaan mein kaafi intajaam karne hote. '' pant ne is maujooda IPL mein abhi tak 245 run jabki kaartik ne 111 run banaaye hain. Gavaskar ne haalaanki is kadam ke faayde bhi bataate hue kaha, ''Kisi din subah ko agar Mahendra Singh Dhoni ko flu hota hai aur vah naheen khel paata to aap aisa khilaadi chaahoge jo behtar wicket-keeper ho. Mujhe lagta hai ki kaartik ko kisi aur cheej se jyaada viketakeeping kaushal se hi team mein jagah mili. '' unhonne kaha ki Tamil Nadu ke all-rounder vijay shankar ki 'Triaayaami visheshataaon' ko dekhte hue vah team ke liye kaafi upayogi khilaadi honge. unhonne kaha, ''Vah aisa cricketer hai jisne pichhle ek saal mein kaafi sudhaar kiya hai. Uske aatmavishvaas mein badhotri hui hai. Shankar kaafi upayogi cricketer bhi hai. Vah kaafi achha ballebaaj hai, upayogi geindabaaj hai aur behatareen kshetrarakshak hai. '' poorv bhaarateeya ballebaaj aakaash Chopra ne kaha ki pant ko keindreeya anubandh mein sheersh varg mein shaamil kiye jaane se unhein laga tha ki yeh yuva khilaadi Bhaarat ki vishv cup team mein jagah bana lega. unhonne apne twitter par likha, ''Kuchh hafte pehle pant ko keindreeya anubandhon mein sheersh varg mein shaamil kiya tha. Bhaarat ne chauthe sthaan ke vikalp ke liye shankar ko chuna hai. Lekin unhein yeh naheen pata ki yeh kaaragar hoga ya naheen. DK tabhi khelega jab Dhoni upalabdh naheen honge. Koi chautha tej geindabaaj naheen. Dilchasp vikalp. Ummeed karte hain ki yeh kaaragar hoga. Gudalak. '' Bhaarat ki 2007 vishv tee20 jeet ke star rahe poorv bhaarateeya cricketer aar pi Singh ne kaha, ''Spasht roop se team chayan mein dinesh kaartik ke roop mein anubhav aur sanyam ko chuna gaya hai. Madhyakram dekhna kaafi dilchasp hoga jismein lokesh Rahul aur dinesh kaartik chauthe number par ho sakte hain. Baaki sab theek dikhta hai.

Pant Ke Vishv Cup Team Mein Shaamil Naheen Hone Se Thoda Hairaan Hoon Gavaskar https://www.angrejinews.com/pic/268118