Panchaayat Ne Ladki Ko Repist Se Shaadi Ka Farmaan Sunaaya

Breaking »

Panchaayat Ne Ladki Ko Repist Se Shaadi Ka Farmaan Sunaaya

Bulandashahar. . Uttar pradesh ke bulandashahar mein panchaayat ne rape peedit ladki ko repist se shaadi ka tugalagi farmaan suna diya. Yahi naheen ladki ke gharwaalon ko faisala na maanane par dhamaki bhi di gayi. Aaropi yuvak maamale ko sulataane ke liye panchaayat ke paas gaya tha. Panchaayat ne usaka paksh lete hue peedit ladki ko usase shaadi karne ka hi faisala suna diya. Gaurtalab hai ki Delhi ke Gandhinagar mein bachchi se darindagi ke aaropi manoj Kumar ke maamale mein bhi vahaan ki panchaayat ne aisa hi faisala sunaaya tha. Manoj ne ladki se rape kiya aur fir panchaayat ne usaki usase shaadi karva di thi. Jaankaari ke mutaabik gautamabuddhanagar ke kaasana ka rahane vaala aaropi yuvak ladki ke pados mein apne ek rishtedaar ke ghar aaya huaa tha. Usane ladki ko ghar mein akela dekh use havas ka shikaar banaaya. Ladki ne is ghatna ke baare mein apne parivaar vaalon ko bataaya. Peedit ladki ke parivaar ne police mein shikaayat ki. Is ghatna ke baad aaropi panchaayat mein gaya aur is maamale ko sulajhaane ko kaha. Panchaayat ne use ladki ke saath shaadi karne ka farmaan suna diya. Yahi naheen panchaayat ne ladki ke gharwaalon ko aadesh na maanane par dhamakaaya bhi. Peedit parivaar ne bulandashahar ke SSP gulaab Singh se shikaayat ki, lekin koi kaarravaai naheen hui. Aakhir jab yah maamala media mein uchhala, to police ne FIR darj kar use giraftaar kar liya.

Panchaayat Ne Ladki Ko Repist Se Shaadi Ka Farmaan Sunaaya https://www.angrejinews.com/pic/6793