Panchaayat Mein Sareaam Hui Yuvati Ki Neelaami

India »

Panchaayat Mein Sareaam Hui Yuvati Ki Neelaami

Ek samvaadadaata. . Bulandashahar UP ke bulandashahar jile mein ek yuvati ko panchaayat dvaara neelaam kiye jaane ki ghatna saamane I hai. Jile ke gaanv madanapur mein ek yuvati ki khareed-farokht ko lekar gaanv ke hi yuvak aapas mein bhid gaye jiske baad panchaayat bulaane ki naubat aa gayi. Sootron ke mutaabik, is gaanv ka ek yuvak banaaras se ek yuvati ko achhe ameer gharaane mein shaadi ki karaane ki baat kehkar le aaya. Usane gaanv mein yuvati ko bechne ki peshakash ki to, use khareedne ke liye kai log ikatthe ho gaye. Logon ne yuvati ko dekhkar boli lagaani shuroo kar di. Gaanv ke hi ek yuvak ne pehle yuvati ki keemat 30 hajaar rupae lagaai, tabhi doosare yuvak ne use 60 hajaar rupae mein khareed liya. Isi baat ko lekar donon yuvakon mein vivaad ho gaya. Vivaad itna badh gaya ki gaanv mein police aa pahunchi. Donon yuvakon ke jhagade ko police ne shaant to kara diya, magar mahila ki neelaami ko naheen rok saki. Sootron ki maanein to Bihar, Bengal aur anya raajyon ki yuvatiyon ko laakar gaanv ka hi ek yuvak bechata hai. In mahilaaon ko ve log khareedte hain jo vidhur hain ya jinki shaadi kinheen kaaranon se naheen ho paati hai. Bataaya jaata hai ki gaanv mein panchaayat ke saamane hi is mahila ki neelaami 60 hajaar rupae mein hui. Jis par panchaayat ne bhi apni muhar laga di hai. Bulandashahar ke SSP gulaab Singh ne bataaya ki police maamale ki jaanch kar rahi hai.

Panchaayat Mein Sareaam Hui Yuvati Ki Neelaami https://www.angrejinews.com/pic/8382