Pakistani Saara Ki Jade Hain Jaipur Mein

Movies » Tuesday, March 26, 2013

Film 'Murder-3' ki haut aind seksi Pakistani aiktres saara loren bhi ab Bhaarat mein jadein jamaane lagi hain. Saara aajkal Rajasthan mein 'Kuchh apna' dhoondh rahi hain. Isi silsile mein agale hafte unka Jaipur mein chakkar lagne vaala hai. Unka kehna hai ki uske pita ki taraf se sabhi Rajasthan se bilaung karte hain. Unke parivaar ke kaafi log teej tyohaar ke mauke par Rajasthan aate-jaate bhi rahate hain. Saara kaafi besabr hain ki vah apna pushtaini makaan aur apni khaanadaani jadon ko kaise bhi karke bas dhoondh nikaalein. Pakistan mein 'Mona leeja' ke naam se pukaare jaane waali saara 'Murder-3' ki release ke baad doosare kaamon mein biji ho gayi theen. Baharahaal, unka Jaipur aane ka ek maksad yah bhi hai ki unhein yahaan ek joolari shoroom udghaatan fankshan mein bhi shaamil hona hai. Kuwait mein pali badhi saara ka kehna hai ki unhein andar se mahasoos ho raha hai ki unhein apni jadon ka koi na koi suraag yahaan jaroor milega. Vah boleen, unke pita hindu chauhaan khaanadaan se sambandhit the, isliye vah mandir bhi utani hi shraddha se jaati hain jitni shraddha se masjid jaati hain. Bhai vaah saara! Yah to bahut hi achhi baat hai aur aapke prashansakon ke liye preranaaspad bhi