'Pakistan Se Baahar Na Ja Sakein Musharraf

World »

'Pakistan Se Baahar Na Ja Sakein Musharraf

PTI. Islamabad Pakistan ke Supreme court ne desh ke poorv sainya shaasak Parvez mursharaf ko aadesh diye hain ki vah apne oopar lage deshdroh ke aaropon ka saamana karne ke liye mangalvaar tak court mein haajir hon. Court ne yah aadesh somvaar ko jaari kiye. Iske alaava Supreme court ne sarkaar ko yah sunishchit karne ko kaha ki musharraf desh se baahar na ja sakein. Gaurtalab hai ki musharraf agale maheene hone vaale aam chunaav mein bataur kaindidet chunaav ladne vaale hain. Kai saalon tak Britain mein nirvaasit jeevan bitaane vaale musharraf ki kuchh vakt pehle hi vatan vaapasi hui hai. Supreme court ne yah aadesh mursharaf ke 2007 mein imarajeinsi ka ailaan karne aur samvidhaan ko khaarij karne ke aaropon se judi 5 yaachikaaon par shuruaati sunavaai ke baad diya. Court ne kaha ki musharraf ya unke vakeel court mein mangalvaar ko maujood hokar aaropon par safaai dein. Court ne desh ke inteeriyr sekretari ko bhi ye aadesh diye ki musharraf ko videsh jaane se roka jaae aur unka naam 'Ekjit control list' mein daal diya jaae. Yaachikaakarta jyaadaatar vakeel musharraf ke khilaaf daakhil yaachikaaon mein maang ki gayi hai ki unke khilaaf haai treshan (panishmeint) act 1973 ke tahat kaarravaai ki jaae. Gaurtalab hai ki musharraf ke khilaaf kaarravaai ki maang karne waali adhiktar yaachikaaen vakeelon ki or se daakhil ki gayi hain. Ye vakeel 2007 mein laagoo imarajeinsi aur us vakt barkhaast kiye gaye bahut saare judgeon ke maamale mein musharraf ke khilaaf kadi kaarravaai ki maang kar rahe hain.

'Pakistan Se Baahar Na Ja Sakein Musharraf https://www.angrejinews.com/pic/4947