Pakistan Sarkaari Parisar Mein Aatankiyon Ka Hamla, Chaar Mare

Breaking »

Pakistan  Sarkaari Parisar Mein Aatankiyon Ka Hamla, Chaar Mare

Peshaavar: Pashchimottar Pakistan ke ashaant peshaavar shahar mein ek sarkaari parisar mein aatmaghaati hamlaavaron ke saath ugravaadiyon ne hamla kiya, jisse kam se kam chaar logon ki maut ho gayi aur saat anya ghaayal ho gaye. Adhikaariyon ne bataaya ki Khyber kabaayali kshetr ke raajaneetik prashaasak ke kaaryaalaya 'Khabar house' mein ugravaadiyon ke hamle ke baad kam se kam do visfot hone aur teevr goleebaari ki aavaajein sunaai Dean. Kai pratyakshadarshiyon ne media ko bataaya ki hamlaavaron ne leveej ladaakon (mileeshiya) ki vardi pahani thi, jis samay hamla huaa us samay khabar house mein raajaneetik dalon ke netaaon ki ek baithak ho rahi thi. Pakistan tahareek-A-insaaf ke neta Iqbal Khan ne media ko bataaya ki jis kaksh mein baithak ho rahi thi, uske baahar ek aatmaghaati hamlaavar ne visfot se khud ko uda liya. Bataaya jaata hai ki ek anya hamlaavar suraksha balon ke haathon maara gaya. Pratyakshadarshiyon aur adhikaariyon ne bataaya ki hamle mein chaar surakshaakarmi bhi maare gaye hain. Is hamle mein chaar leveej ladaakon sahit saat log ghaayal hue hain, jinhein sameepavarti aspataal le jaaya gaya hai. Adhikaariyon ke anusaar, ghaayalon mein do ki haalat gambhir hai. Khabar house peshaavar mein kadi suraksha vaale chhaavani ilaake mein sthit hai. Hamla hote hi sena ke javaanon aur policekarmiyon ne parisar ko gher liya. Sabhi dwaar band kar diye gaye aur sameepavarti raaste avaruddh kar diye gaye. Television par dikhaae gaye footage mein visfot ke baad parisar ke aaspaas kaala dhuaan najar aa raha hai. Kuchh samay baad suraksha balon ne parisar ke andar maujood logon ko vahaan se chale jaane ko kaha. Suraksha balon ne parisar ki talaashi li aur policekarmiyon tatha sena ke commando ne aaspaas ki imaaraton mein pojeeshan le li. Pratyakshadarshiyon ne bataaya ki raajaneetik dalon ki baithak mein kam se kam 100 log the. Yah baithak aagaami chunaavon ke liye aachaar sanhita par charcha karne ke uddeshya se khabar agency ke sahaayak raajaneetik agent ne bulaai thi. Ab tak kisi bhi gut ne hamle ki jimmedaari naheen li hai. Haalaanki aisi ghatnaaon ke liye aksar pratibandhit tahareek-A-taalibaan Pakistan ko jimmedaar thaharaaya jaata hai. Peshaavar aur Khyber pakhtoonakhva praant ke anya bhaagon mein taalibaan ne achaanak hinsa tej kar di hai. Praant ke mukhyamantri ameer haidar Khan hoti pichhle saptaah taalibaan ke ek hamle mein baal baal bach gaye the. Taalibaan ne haal hi mein sangheeya sarkaar ke saath shaanti vaarta ki peshakash ki thi, lekin shastr tyaagane se mana kar diya tha. Unhonne kaha ki shaanti samjhaute ko antim roop diye jaane tak vah hamle jaari rakheinge.

Pakistan Sarkaari Parisar Mein Aatankiyon Ka Hamla, Chaar Mare https://www.angrejinews.com/pic/2184