Pakistan Ne Hatf-9 Misaail Ka Safal Praayogik Pareekshan Kiya

Breaking » Monday, February 11, 2013

Islamabad: Pakistan ne aaj parmaanu aayudh le jaane mein saksham hatf-9 misaail ka safal praayogik pareekshan kiya. Kareeb 60 kimi ki maarak kshamata waali yah misaail ab tak ki gyaat sabhi misaail rodhi raksha pranaaliyon ko maat dene mein saksham hai. Sena ne ek bayaan mein kaha hai ki malti tube launchar se ek ke baad ek kar do hatf-9 misaailon ko daaga gaya. Satah se satah par maar karne mein saksham sankshipt doori ki misaail ka yah pareekshan safal raha. Hatf. . Nau yaani nasr misaail uchch sateekata vaale parmaanu aayudh le jaane mein saksham hai. Bayaan mein kaha gaya hai, yah tvarit pratikriya pranaali chaar misaail daag sakti hai aur aaspaas ke paridrushya ke sandarbh mein khatre ke khilaaf pratirodh sunishchit karti hai. Nasr ko khaastaur par design kiya gaya hai, jisse yah ab tak ki gyaat sabhi parmaanu rodhi raksha pranaaliyon ko paraast kar sakti hai. Is pareekshan ke dauraan javaaint Chiefs of staaf committee ke adhyaksh general khaalid shameem vaayane, rananeetik yojana vibhaag ke pramukh lieutenant general (avakaashapraapt) khaalid Ahmad kidvai, sainya rananeetik bal kamaan ke pramukh lieutenant general taarik nadeem gilaani, sashastr balon ke varishth adhikaari aur rananeetik pratishthaanon ke vaigyaanik tatha engineer maujood the. Bayaan mein yah naheen bataaya gaya hai ki pareekshan kahaan kiya gaya.