Pakistan Ki Adaalat Ne Parvez Musharraf Ko Videsh Jaane Ki Anumati Di

Breaking »

Pakistan Ki Adaalat Ne Parvez Musharraf Ko Videsh Jaane Ki Anumati Di

Karachi: Pakistan ki ek adaalat ne prashaasan ko poorv sainya shaasak Parvez musharraf ka naam 'Ekjit control' soochi se baahar karne ka aadesh diya hai, jisse unke desh se baahar jaane ka raasta saaf ho gaya hai. soochi se apna naam baahar karne sambandhi mursharaf ke anurodh par sunavaai karte hue sindh High Court mein nyaayamoorti mohammad Ali majahar aur nyaayamoorti shaahanavaaj ki do sadasyeeya peeth ne yeh aadesh jaari kiya. deshdroh kaanoon ke tahat ek maamale ke saath hi kai mukadame ka saamana kar rahe 70 varsheeya musharraf ne ekjit control list (iseeel) se apna naam hataane ke liye sindh High Court mein ek yaachika daayar ki thi, jisse ki yooei mein vah apni beemaar maan ko dekhne ke liye ja sake. sarkaar ne yaachika ka virodh karte hue kaha ki agar unhein baahar jaane ki anumati di jaati hai to vah faraar ho sakte hain. ol Pakistan muslim league ki aasiya ishaak ne kaha, yeh sach hai ki unke (musharraf) desh se baahar jaane par ab koi dikkat naheen hai. Lekin abhi vah turant desh chhodkar naheen jaaenge. aasiya ne kaha ki adaalat ke is tarah ke faisale ke baad abhiyojan ke paas 15 din tak appeal ke liye uchchatam nyaayaalaya jaane ka samay hai. Unhonne kaha ki musharraf is avadhi ka intajaar kareinge. Pichhle saal 5 April ko unka naam iseeel mein rakha gaya tha, jisse unhein desh mein rahana padega aur jin maamalon mein unka naam hai aise sabhi maamalon ki sunavaai mein ve upasthit honge. Iseeel mein kisi ka naam hone par vah bina anumati ke desh chhodkar naheen ja sakte hain. baad mein musharraf ke vakeel Faruk naseem ne samvaadadaataaon se kaha ki unke muvakkil ke paksh mein adaalat ka aadesh saabit karta hai ki poorv raashtrapati ke khilaaf lambit maamala raajaneeti se prerit hai. naseem ne kaha ki adaalat se unhonne kaha ki aisa naheen hai ki unke muvakkil ka Pakistan lautane ka iraada naheen hai. peeth ne kaha ki soochi se musharraf ka naam hataane ke faisale ke khilaaf appeal ke liye sangheeya sarkaar ke paas 15 din ka vakt hai. Khaas baat yeh thi ki abhiyojan ke vakeel sunavaai ke vakt adaalat mein upasthit naheen the.

Pakistan Ki Adaalat Ne Parvez Musharraf Ko Videsh Jaane Ki Anumati Di https://www.angrejinews.com/pic/53674