Pakistan Bam Visfot Mein Marnewaalon Ki Taadaad 81 Hui

World »

Pakistan Bam Visfot Mein Marnewaalon Ki Taadaad 81 Hui

Islamabad: Dakshin-pashchim Pakistan ke Quetta shahar mein shiya hajaara samooh ke logon ko nishaana banaakar kiye gaye hamle mein marne vaalon ki sankhya ravivaar ko badhkar 81 ho gayi, kyonki aspataal mein kai ghaayalon ne dam tod diya aur dharaashaayi imaaraton se kai anya shav nikaale gaye. Ashaant baloochistaan praant ki rajdhani Quetta ke upanagar hajaara nagar mein kiraani road sthit vyast baajaar mein traiktar-trauli par lade paani ke tank mein chhupaakar rakhe gaye saikadon kilogram visfotak mein shanivaar shaam visfot kiya gaya, jismein kareeb 40 log ghatnaasthal par hi maare gaye. Kai ghaayalon ko aspataal mein bharti karaaya gaya, jismein se raatabhar ke dauraan kai ne dam tod diya. Raahatakarmiyon ne shaktishaali visfot se dharaashaayi imaaraton ke malabe se aur shav nikaale. Visfot mein kareeb 200 vyakti ghaayal ho gaye the aur adhikaariyon ne gambhir roop se ghaayal logon ko havaai maarg se Karachi pahunchaane ka intajaam kiya. Visfot se chhah foot gahra aur 20 foot lamba gaddha ban gaya. Kuchh khabaron mein gaya hai ki hamle mein kareeb 800 kilogram visfotak ka istemaal kiya gaya. Pratibandhit lashkare jhaangavi ne is visfot ki jimmedaari li. Lashkare jhaangavi ke pravakta abubakaar Siddiqui ne phone par sanvaadaataaon se kaha, hamaare aatmaghaati hamlaavar ne visfot kiya aur hajaara nagar mein shiya samudaaya ko nishaana banaaya gaya.

Pakistan Bam Visfot Mein Marnewaalon Ki Taadaad 81 Hui https://www.angrejinews.com/pic/2121